بحبك يا سوسو ...

المشرفون: نواب المدير العام،فريق الاشراف والاداره

أضف رد جديد
موج البحار
محجبه رائعه
محجبه رائعه
مشاركات: 1346
اشترك في: 16 مارس 2010, 22:47
النوع: انثى
الحاله الاجتماعيه: متزوجه
الحاله الوظيفيه: طالبه
انا حاليا: فرحان
مكان: مصر ام الدنيا
اتصال:

بحبك يا سوسو ...

مشاركة بواسطة موج البحار »

قالى بحبك يا سوسو قولتله وانا كمان


بصراحه يا بنات ومن غير لف ولا دوران لانى مش بعرف الف ولا ادور المهم
انا كنت ماشيه فالكليه وفجأه شوفته ادب ايه واخلاق ايه وما شاء الله ملتزم جدا وبعديان قرب عليه وقلى يا انسه ممكن اكلم معاكى شويه انا عملت كده وقلبى وقع فرجلى

قلبك وقع ولسه عايشه ؟

اه انتوا مالكوا عندى واحد استاند المهم ماقدرتش احرجه كان زوق جدا وقعدنا واتكلمنا واتعلقت اوى بيه وبعديان بقينا نكلم فى التليفون وماحدش يقولى حرام هيخطبنى ده بيموت فيه وبعديان جه فمره وقلى نتقابل بره عاوز اقرب منك اكتر
ماتفهموش غلط ده نيته سليمه

يا شيخه بقى نية سليمه

اه اطلعوا منها انتوا ومره فمره اقولكم ايه وحصل

اللى حصل .. حصل ايه يا بنتى ؟

مانتوا فاهمين بقا قولتله تعالى اخطبنى رفض تماما وبقى
يتهرب منى مش عارفه ليه ؟

بقى مشش عارفه ليه...ما علينا .. امال فين التدين والاخلاق

مش عارفه فجأه اتحول .. اتحول لايه دركولا مثلا

بقولكم ايه بلاش تجريح انا عاوزه حل ! .. حل ايه انحل وسطك جايه دلوقتى عاوزه حل ؟

ضيعتي نفسك يا بنتى هو ده بقى الحب ؟


قلى بحبك يا سوسو قولتله وانا كمان

بصراحه انا كنت مشتركه فموقع عالنت مشترك ولاقيته فجأه بعتلى وقلى ممكن اتعرف عليكى اصلك مختلفه وواضح انك محترمه جدا من مواضيعك غير كل البنات

يا سلام وانت بقى واخد بالك من كل البنات ؟ بطلوا سوء ظن انتوا هتفهموه غلط ده عاوز بس نكون اصحاب ! والصداقه ليها حدود

طيب يا اختى كملى كملى

كلمته وبقيت مزهوله قمه فالاحترام والتدين وبقى على طول نكلم عالميل ومانفوتش يوم الا لو كلمنى وجه فمره قلى انا عاوز اقولك سرانا بحبك من زمان ؟

زمان هو لحق يعرفك اصلا هنقرع من دلوقتى ؟ سبونى اكمل بلاش ظلم وانا اول ماقلى حسيتى ان هيجلى سكته قلبيه من الفرحه ؟

خساره يارتها جت كنا ارتحنا المهم كملى

بس يا بنات وبقينا نقضيها رنات وتليفونات وطبعا حصل اللى حصل انا ضعت قولولى اعمل ايه هو كان هيتقدم بس جالو ظروف ابوه اتشل ولام يتحمل المسؤليه ويضحى وخاله مات واخته اطلقت وهيربى ولادها ؟

يا لهوى كل ده حصله فكام يوم غريبه ؟ بطلوا افترا دى ظروف قولولى اعمل ايه ؟ تعملى ايه انتى ضيعى نفسك يا بنتى هو ده بقى الحب ؟


وسؤالى ليكم هو ده الحب

الحب اللى بينتهى بدمار وحياه مجهولة المصير
ملهاش هويه ولا معالم مافيش بكره مافيش امل مافيش غير طريق مسدود ؟؟
اكيد مش كل الحب كده انا بكلم عن الحب اللى بيتولد فالضلمه ونفتكر انه هيطلع للنور
وبننسي ان اللى عاش طول عمره فالضلمه لو طلعتيه للنور هيتصدم ويموت



يعنى بلاش نحب لا ازاى بس لو حبيتى لازم تكونى فاتحه النور

اول طريق للحب بيت اهلك عشان الحب يكبر وينمو ويلاقى طريق مفتوح

طب تعرفى ان الحب مذكور فالقرآن فعلا اه تعالى شوفى ربنا بيقول ايه


(وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ
بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ) (الروم : 21 )




مش قولتلك اول خطوه بيت اهلك لو بقى جوزك هيحفظك ويصونك مش هيبقى سهل يغدر بيكى

عارفه ليه لان ربنا اللى وعدك بكده معقول ازاى :



وجعل بينكم مودة ورحمه



( الموده اسمى بكتير من الحب

المودة هي كلمة جامعة تعني الين والبشاشة والتواضع والصفاء والرقة والألفة والتآلف وإظهار الميل والرغبة والتعبير عن الاشتياق وهي إتمام للسرور والبهجة





الرحمة هي كذلك كلمة جامعة تعني التسامح والتفاهم والعطف والشفقة والحمية والصبر والابتعاد عن القسوة والغضب والعنف

الرحمة هي عطاء بلا حدود





ازاى نبيع كل ده ونشترى وهم مالوش وجود

يا ترى دلوقتى عرفنا ايه هو الحب





اتمنى الاقى انا وانتوا الحب الصادق الحقيقي اللى يملا حياتنا نور وسعاده

وماتنسوش تدعولى دعوه حلوه



منقووول للإفادة

صورة
رغدة
مراقب عام
مراقب عام
مشاركات: 4289
اشترك في: 20 يونيو 2008, 17:25
النوع: انثى
الحاله الاجتماعيه: متزوجه
الحاله الوظيفيه: بدون عمل

Re: بحبك يا سوسو ...

مشاركة بواسطة رغدة »

ربنا يكرمك يارب ياسمسمه بالزوج الصالح اللى يحافظ عليكى ويسعدك
وجميع بنات المسلمين يارب

شكرا للموضوع (*&)
صلى على حبيبك النبى To be happy

اللهم صلى وسلم وزد وبارك عليك يا حبيبى يا رسول الله

صورة

صورة

عايزين تمحو كل ذنوبكم ؟؟؟ ....

اضغطو هنا
موج البحار
محجبه رائعه
محجبه رائعه
مشاركات: 1346
اشترك في: 16 مارس 2010, 22:47
النوع: انثى
الحاله الاجتماعيه: متزوجه
الحاله الوظيفيه: طالبه
انا حاليا: فرحان
مكان: مصر ام الدنيا
اتصال:

Re: بحبك يا سوسو ...

مشاركة بواسطة موج البحار »

تسلمى يارغدوووودة يارب
ويكرمك انتى كمان

نورتى ياقمر
أضف رد جديد

العودة إلى ”النقاش العام“