صفحة 1 من 1
متزعليش ... بكرة أحلى
مرسل: 30 يونيو 2013, 17:37
بواسطة noureen
يا اللي حضنك هو نفسه حضن أمي
يا اللي ليكي فيا أكتر من اللي ليا
يا اللي مهما بعت عنك جوه دمي
يا اللي حبك عندي حاجه مش عاديه
كل شارع من شوارعك فيه حكايه
عن صحابي و عن حاجات حصلت معايا
ناس كتير قالوا لي غني غنوه ليها
بس مهما كان غنايا مش كفايه
رغم أي محنه صعبه عيشتي فيها
بكره قادرين نبني فيكي ألف قصر
يا اللي بتقولوا انها راحت عليها
أسألوا كتاب التاريخ مين هيا مصر
يا حبيبتي يا مصر يا مصر
Re: متزعليش ... بكرة أحلى
مرسل: 30 يونيو 2013, 18:23
بواسطة هبه
الله على الكلام الجميل تسلم ايديك يامروة ...وربنايحفظ مصر بلدنا الغاليه ويبعدعنها كل شر
Re: متزعليش ... بكرة أحلى
مرسل: 30 يونيو 2013, 23:34
بواسطة همس السما
رغم أي محنه صعبه عيشتي فيها
بكره قادرين نبني فيكي ألف قصر
ان شاء الله بكره أحلى حتى لو حكمنا ناس كدابة وظالمة لازم بكره هيكون احلى
مسيرنا نتخلص منهم بس ادعوا ربنا ينور بصيرتنا ويرزقنا بانسان يعرف ربنا ويقود بلدنا لبر الأمان
لأننا بجد خلااااص كده كتير والله
Re: متزعليش ... بكرة أحلى
مرسل: 01 يوليو 2013, 00:16
بواسطة رغدة
يا اللي بتقولوا انها راحت عليها
أسألوا كتاب التاريخ مين هيا مصر
باذن الله عمر مصر ماتقع ابدا وهتفضل دايما زى ماكل العالم عرفوها من الاف السنين
أقوى من كل المحن وسيظل الله حافظها الى اخر الزمان باذن الله