هتعملى ايه لو حد اتقدملك

[هدير مجدى]

اليكم بعض النصائح لو اتقدملك عريس:

1. لا للاختبارات: بعض الأخوة (أعانهم الله) يلجأون الى اختبار خطيباتهم. يعني مثلا يطلب منها حاجة غير جائزة شرعا


2. الراحة النفسية: أنا أرى أن هذا العنصر من أهم العوامل التي تساعد على نجاح الزواج. و الراحة النفسية في رأيي أنك تكون قاعد معاها مش مخنوق و مش عايز تسيب المكان و تمشي و أنك تحس انك بتحب تتكلم معاها و ممكن تحكيلها و متحسش و انت رايح تزورهم انك رايح تؤدي واجب اجتماعي تقيل على قلبك. و يجب أن نتذكر أن الأرواح جنود مجندة. يعني ممكن واحد يكون ملتزم و أخلاق و مستوى و كل حاجة بس البنت مش مرتحاله، تعمل ايه يعنى؟ ده مش عيب فيه بس ربنا مش كاتبله يتزوج منها.

3 . الاحترام:باختصار شديد أنا لا أحترم الزوجة اللى بتشتم زوجها أو بترد عليه بطريقة مش لطيفة أو بتتكلم عنه وحش و لا أحترم الرجل الذي يضرب زوجت

4. خدي موقف: يعني مثلا لو واحد شتم زوجته (في حالة غضب) أو غلط فيها جامد مش المفروض انها ترد عليه بنفس الأسلوب. و لكن أنا أرى انها لازم تاخد موقف و موقف جامد كمان و تحسسه ان الموضوع مش بسيط

5. الاقتناع: لازم تكون مقتنع تماما بزوجتك أو زوجك قبل ماتتجوزوا طبعا. يعني في ناس بتكون شايفة عيوب في الطرف الآخر و تقول هاغيرها بعد الزواج. طيب فكري شوية، افرضي الحاجات دي متغيرتش لأي سبب كان،هتقدرى تكملى معاه


6. البحث عن المشاكل: لو حصلت مشكلة بينك و بين زوجتك و اتحلت و الموضوع خلص خلاص، بعدين مثلا حصلت مشكلة تانية بعد اربعة أشهر، متجبش سيرة المشكلة الأولنية دي أبدا

7. لا للضغط: غالبا الأهل بيكونوا عايزين يفرحوا بولادهم و خلاص. و من هنا يبدأوا بالضغط على البنت و عمل غسيل مخ ليها. و الله العظيم ما يحدث للبنات أشبه بغسيل المخ،


8. الوسيط: سمعت النصيحة دي من دكتور في التليفزيون، قال ان الناس في الخطوبة المفروض يتفقوا على انهم يحلوا مشاكلهم بنفسهم و مايطلعوهاش برة. لكن لو حصل ان الموضوع كبر جدا و احتاجوا حد يتدخل يعملوا ايه؟ هو شايف ان المخطوبين يتفقوا على شخص من احدى العائلتين يكون محل ثقتهم هما الاثنين و يتفقوا انهم يستعينوا بيه لو حدثت المشكلة اللي ملهاش حل دي. لأن مثلا لو ماكانوش متفقين على شخص معين و قامت الزوجة بترشيح حد من عائلتها ممكن زوجها يعترض لأنه من عائلتها و هايقف في صفها أو يعترض عندا فيها و خلاص. عشان كده يتفقوا من الأول أحسن. و يا ريت يتفقوا يحكموا كتاب ربنا.


9. لا داعي للعجلة: مفيش داعي تستعجل و تكتب الكتاب قبل ما تتأكد من قرارك لأن أضرار الطلاق بعد العقد تقع معظمها على البنت.

10. زواج الأقارب: أنا شخصيا لا أفضله لأنه بيسبب مشاكل كتير على الرغم من انى اعرف حالات قريبة مني جدا لزواج الأقارب ناجحة جدا

11. بروا أبائكم: باختصار شديد بروا آبائكم تبركم أبنائكم.


12. اسمع أولا: ده للناس اللي هاتخطب أو البنات اللي متقدملها حد. اسمع الطرف الآخر أولا.

13. كوني له أمة، يكن لك عبدا.
14. لا تتنازل كثيرا: في حاجات ممكن الواحد يتنازل عنها و حاجات مينفعش أصلا التنازل عنها.


15. مش رحلة: في بنات و أخوات بتفكر يعنى انها تتزوج من واحد ملتزم و محترم و خلاص. ده كلام جميل ان يكون اهم حاجة الالتزام. بس في حاجة تانية، انا ممكن اللي يهمني في جاري أو زميلي في العمل انه يكون ملتزم و محترم و خلاص. لكن الموضوع بالنسبة للزوج لازم يكون مختلف. كنت سمعت الدكتور محمد العريفي بيقول مثال قبل كدة عن الموضوع ده. كان بيقول انت لو رايح مشوار لمدة ساعة مثلا تشتري حاجة و المفروض تاخد حد معاك من اصحابك، ممكن تاخد أي حد و خلاص سواء كان ممل أو رغاي أو بخيل أو كريم أو نكدي أو متشائم، أو عصبي، أو غامض، أوكتوم ........أهي ساعة تعدي بالطول أو بالعرض. لكن لو المشوار دي رسمي شوية، مثلا لإحدى المنظمات أو الهيئات المحترمة،أو رايح تختطب ولا أقولك بلاش موضوع تخطب ده، أكيد هاتنقى صاحبك ده اللي هاتخده معاك. طيب لو سفرية لمدة شهر أكيد المواصفات هاتختلف، يعني لو مشغول شوية رايح تدرس مثلا أكيد هاتاخد واحد مشغول هو كمان عشان ميعطلكش، لو رايح تتفسح أكيد مش هاتاخد واحد ممل أو نكدي. تخيل بقي ان الشخص اللي ستتزوجه هايفضل معاك طول العمر، لازم تختار كويس اوي و متعتمدش على المظاهر.
16. التكافؤ: التكافؤ في كل شيء موضوع مهم اوي و مينفعش نستغني عنه حتى لو كان الانسان اللي قدامك ده كويس أوي

[ليدى رومانسيه]

"><()*

[noureen]

(*&) (*&) (*&)
:>>:: :>>::

[jojo88]

شكرا جزيلا على المعلومات القيمه دي

[samira malki]

شكرا جزيلا (*&) (*&) (*&)

[هدير مجدى]

ميرسى يا قمرات تسلمولى

[نور السلطنة]

السلام عليكم ورحمة الله وبركاته

نصائح قيمة لكل بنت مقبلة ع الزواج

عقبال العزابية

جزاكم الله خيرا قلبي

[ســـــاندرا]

شكرا حبي
عقبال كل بنات المنتدى