- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا .
2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة في الطبق. وبعدين تاخدي لقمة.. لقمة.. ب.........العافية.. قال يعني نفسك مسدودة.. اضغطي على أعصابك جدااا
وبعدين لما تروَّحي.. إبقي حِفِّي زي مانتِ عايزه.
3- الشوووربة.. أبوس كعب رجلك. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر .. وطبعًاااااا عايزك تنسى تمامًا.. السلطانية اللي بتقيميها على بقك في البيت..وتدلدقي على روحك..
بالمعلقه وبدون صوت... سخنة ولعة برضه بدون صوت.. وتسيبي تلت الطبق ع الأقل... مش تميليه.... عشان تلهطيها لآخر نقطة...
4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه.
5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..
6- السمك.. مشكلة.. شوفي...
بتفصلي اللحم عن الشوك.... إزاي..؟؟ تقطعي اللحم من النص.... بالطول وبعدين تفردي اللحم ع الجانبين ولما تخلصي ناحية.. متقلبيش السمكة.... بلاش فلح... شيلي السلسله بالشوكة والسكينة , وحطيها ف جنب الطبق وكملي أكل النص التاني... وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..
7- الجمبري.. -إذا كنتي عارفاه-.. أول ماطبق الجمبري
ينزل... بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابااااا.. وأتنهدي جامد وقولي.. برضه..؟؟؟
وتروحي قاطعة راس الجمبريياية.. بالشوكة.. أنا ف عرضك
إنسي المصمصة دلوقت..
8- البطاطس سواء مسلوقة أو محمرة... أوعي تهرسيها وتدبيها ع الرز وتبدي ....لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي....
9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي.
10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..
أنا أودامي أسبوع.. هابطل أكل فيه.....
وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك..
لفة الفول والطعمية اللي جايباها معاكي وكلى براحتك
النصائح العشرة للبنات علشان متضفضحش قدام خطيبها فى اول خروجة
المشرفون: نواب المدير العام،فريق الاشراف والاداره
-
- مجموعه العضوات النشيطات
- مشاركات: 8124
- اشترك في: 06 يناير 2009, 00:23
- النوع: انثى
- الحاله الاجتماعيه: متزوجه
- الحاله الوظيفيه: بدون عمل
- انا حاليا: متفائل
-
- مراقب عام
- مشاركات: 4678
- اشترك في: 20 إبريل 2010, 01:16
- النوع: انثى
- الحاله الاجتماعيه: غير متزوج
- الحاله الوظيفيه: موظفه في عمل خاص
- انا حاليا: متفائل
- مكان: المغرب
Re: النصائح العشرة للبنات علشان متضفضحش قدام خطيبها فى اول خ
بجد بجد ضحكت "*$()
لكن اخر لقطة في الحمام خلتيني اخرج ضحكة كبيرة جدا من المفاجاة حسيت اني اتفرج في سكتش فعلا موضوع دمه خفيف جدا طبعا زي صحبته تسلمي يا نانا
لكن اخر لقطة في الحمام خلتيني اخرج ضحكة كبيرة جدا من المفاجاة حسيت اني اتفرج في سكتش فعلا موضوع دمه خفيف جدا طبعا زي صحبته تسلمي يا نانا
اللهم اغفر لوالدي وارحمه
-
- مجموعه العضوات النشيطات
- مشاركات: 3779
- اشترك في: 03 ديسمبر 2009, 22:26
- النوع: انثى
- الحاله الاجتماعيه: غير متزوج
- الحاله الوظيفيه: موظفه حكوميه
- انا حاليا: متفائل
- مكان: مصر أم الدنيا
Re: النصائح العشرة للبنات علشان متضفضحش قدام خطيبها فى اول خ
>-< >-< >-<
يا نهار ابيض
انا من رأيى مفيش داعى لأكل المطاعم يبقى فى البيت بقى و خلاص بدل التعب ده كله
يا نهار ابيض
انا من رأيى مفيش داعى لأكل المطاعم يبقى فى البيت بقى و خلاص بدل التعب ده كله
رأس البر دمياط
مصرية و افتخر
اللهم احفظ بلادنا و نجها من كل سوء .. و احفظ شعوبنا واحقن دمائنا و انصرنا ..
يارب احمى مصر
مصرية و افتخر
اللهم احفظ بلادنا و نجها من كل سوء .. و احفظ شعوبنا واحقن دمائنا و انصرنا ..
يارب احمى مصر
-
- مراقب عام
- مشاركات: 4282
- اشترك في: 13 مايو 2010, 09:31
- النوع: انثى
- الحاله الاجتماعيه: غير متزوج
- الحاله الوظيفيه: صاحب عمل
- انا حاليا: متفائل
- مكان: مصر
Re: النصائح العشرة للبنات علشان متضفضحش قدام خطيبها فى اول خ
يااااااااانهار أبيض
ايه المعادلة الصعبة دى
والله دمها خفيف أوى