اوعي تسيبيه يمسكها يا فوزية

المشرفون: نواب المدير العام، فريق الاشراف والاداره

أضف رد جديد
صورة العضو الشخصية
sohilahossam
محجبه متميزه
محجبه متميزه
مشاركات: 749
اشترك في: 20 إبريل 2009, 19:20
النوع: انثى
الحاله الاجتماعيه: غير متزوج
الحاله الوظيفيه: طالبه
مكان: Egypt
اتصال:

اوعي تسيبيه يمسكها يا فوزية

مشاركة بواسطة sohilahossam » 14 يوليو 2012, 15:42

يادبلة الخطوبه .. عؤبالكم كلكم "*$()

وتبنوا طوبة طوبة فى عش حبكم ';';';()

ازاى هتبنوا طوب فى عش حبكم (?)

ازاى هتحطوا فيه طوب (?)

العش ده من القش ....صح :>>::

بس ممكن اوى يكون فيه طوب وزلط واسمنت مسلح كمان

بتحطيه انتى وهو من البدايه بدون قصد

من اول ما بتسمحيله انه يلبسك .....العمه
صورة

....قصدى الدبله


راجعى قول رسولنا الكريم


قال رَسُولُ اللَّهِ صَلَّى اللَّهُ عَلَيْهِ وَسَلَّم

"لأَنْ يُطْعَنَ فِي رَأْسِ أَحَدِكُمْ بِمِخْيَطٍ مِنْ حَدِيدٍ خَيْرٌ لَهُ مِنْ أَنْ يَمَسَّ امْرَأَةً لا تَحِلُّ لَهُ"


لازم تعرفى ان الخطبه لغة وعرفا وشرعا غير الزواج


هى مجرد حجز الخاطب للمخطوبه بحيث


يحظر على الغير خطبتها


قال رسول الله صلى الله عليه وسلم

"لا يخطب أحدكم على خطبة أخيه"

رواه البخاري (5142)، ومسلم (1412)،

واللفظ لأبي داود (2081)، والنسائي (3238) من حديث ابن عمر – رضي الله عنهما-


بمجرد ما لبستى الدبله فى ايديكى كدا يبقا كأنك بتقولى لكل الناس..خلاص،


الخط مشغول


حلم جميل،


مهما تشترى من دهب وخواتم ومجوهرات تفضل


لـ"الدبله" مكانتها الخاصه جداً عند البنات،


ومستحيل واحده تشتريها لنفسها كنوع من الحُلى او الزينه، لازم تيجى منه "هو" وبس


هاتى الدبله وتعالى بقى ..


لازم تعرفى انك فى مرحله خطيره ..


وان كان الجواز عسل .. فالخطوبه هو لدغ النحل ..


النحل اللى هيجيب العسل يافالحه ..


لازم تحطى ف بالك حاجتين .. علشان هنعوزهم بعدين ::


انك اتخطبتى اه .. بس لسه متجوزتيش


.. عزيزتى المخطوبه ..


بمجرد ما يعلن الخطيب (( مش اللى بيلعب كوره )) خطبتك


ويوافق ولى امرك على الخطبة


لابد وان تقلع تروس مخك معلنه ببداية المعركه .. ومنذ هذه اللحظه


تبدأى تطرطقى ودانك .. تفتحى عنيكى .. وتخلى مناخيرك ع الويتنج .. استعداد لتعقب


رائحة اى اثر للجريمه


الخطوبه هى مفتاح الجواز .. والباب الذهبى للسعاده


وماتش الافتتاح .. ولو لعبتيه صح ياقمر .. يبقى مبروك عليكى الكاس


هتتهاونى فيه .. انتى حره بقى هتنزلى دورى الدرجة التانية


مبدأيا كده يابنت الناس .. خطيبك ده ايا كان مين ؟


.. ملاك ونزل م السما


يقولك هاتى ايدك .. ورينى جمال خطوتك .. توريله العين الحمرا ع طول


يقولك اشوف شعرك بس طوله كام علشان اشتريلك شامبو هديه ..


اشوف رقبتك قطرها كام مللى .. علشان هجيب لمامتك خاتم ف عيد الام


تقسيله عرض اكتافه .


..... الخطوبه دى فتره علشان تعرفى البطيخه


قصدى زوج المستقبل فيها وصفاته وايه مشترك بينكم؟


وهو بيحب ايه (( علشان متبقيش تعمليه ))


طبعا

وهو مبيحبش ايه (( علشان تخنقيه بيه وتطبخيه كل يوم )).... عبيطده اكيد


وتتعرفى ع اهله وحياته وتشوفى هينفع معاكى ولا تشوفيلك بطيخه غيره


لكن لعب مراهقين بقى .. الفراغ العاطفى ده .. لا لا لا مينفعش


انتو داخلين ع حياه جديده عايزين ربنا يسترها عليكم ومعاكم ...


كمان هاتى ودانك كده


.. هو انتى ما صدقتى ؟ .. اقولك هاتى ودانك تدهالى


احنا قلنا ايه؟ .. اى حد يقولك هاتى حاجه متدهالوش ابداااااااااااااا


خطيبك هيطلب منك التنازلات دى .. تحت احتمالين


احتمال انه بيختبرك .... اه مااهو كمان عاوز يعرف البطيخه اصلها ايه؟


.. هو انتى فاكره انتى بس اللى ناصحه


والاحتمال التانى .. انه فعلا عايز يمسك ايدك .. بس اول مهيمسكها وياخد غرضه منها


ويحس بخشونتها ويسيبها .. الشيطان هيبدا يوسوسله بقى ..


ويقوله لا .. ما هى بتمسك اهى .. شكلها مش اول مسكه ياابو الشباب


انت هتتخم ولا ايه ..؟؟؟؟؟


هيقولك امسك ايدك يافوزيه.. هتقليله لا يافوزى


هيقولك ماهو محمود بيمسك ايد خطيبته .. ومصطفى ومعتز


وعلاء بيمسك ايد البت حبيبته من قبل ميخطبها


ويعمل بقى انه مضايق وانه شريف ابن شداد اللى خطيبته مش واثقه فيه


وياخد جنب وعنيه شويه وهينفجر منها الساحل الشمالى


اوعى تنخى .. اوعى تتنازلى ياحنينه ..


حتى لو هددك انه لو ممسكش ايدك هيبعتلك ورقتك


اوعى يهمك هو اصلا لسه معندوش ورق يبعتهولك


وكمان تعالى نحسبها ..


هيمسك ايدك ف الخطوبه .. شويه وهيشوف شعرك


.. وسلسلة التنازلات هتبدا


خلاص راحت زهوة الجواز يابنتى ..


ممكن نشترى لبس جديد كل يوم ونلبسه


لكن لبس العيد بيبقى ليه طعم تانى ولبس اول يوم مدرسه ولبس اول يوم جامعه


كل حاجه بعيده وجميله ليها زهوه تانيه


متقليش انها حاجه بسيطه . ايه يعنى ايدى .. ماهو لبسنى الدبله


ماهو ده اساس المشكلة


وده اللى بتكلم فيه


هو مسك صوباع .. خدى بالك م بقية الصوابع


هههههههههههه لا طبعا بس بجد .. لا لا لا لا لا


لو بدا التنازل يافوزيه .. مش هتعرفى تلميها م فين ولا م فين ..



سيبك انتى كمان .. انتى ايش عرفك ان ده اللى ربنا هيتمملك ع خير معاه


مايمكن لا قدر الله .. تحصل اى مشكله تعرقل سير الزواج


.. وتنتزع منها الدبلة


يعنى م الاخر


ربنا لا هيكون راضى ع كده ..


الشخص نفسه هتبداْى تقلى ف نظره ..


حتى لو اتجوزتوا هتفضل دى حاجه بعبع وراكى ..


هتروح زهوة الحجات دى اللى اتنازلتى عنها ف اوقات غلط



لما تيجى تعمليها ف اوقاتها الصح ..


مش كل خطوبه نهايتها جواز


لكن كل جواز كان اوله خطوبه الا حالات قليله


وأخيرا هننقل كلاما لفضيلة الشيخ ابن عثيمين رحمه الله في هذه المسألة :


( دبلة الخطوبة عبارة عن خاتم ، والخاتم في الأصل ليس فيه شيء ( يعني أنه مباح ) إلا أن يصحبه اعتقاد كما يفعله بعض الناس يكتب اسمه في الخاتم الذي يعطيه مخطوبته ، وتكتب اسمها في الخاتم الذي تعطيه إياه زعماً منهما أن ذلك يوجب الارتباط بين الزوجين ، ففي هذه الحال تكون هذه الدبلة محرّمة ، لأنها تعلّق بما لا أصل له شرعاً ولا حسّاً ، كذلك أيضاً لا يجوز في هذا الخاتم أن يتولى الخاطب إلباسه مخطوبته ، لأنها لم تكن زوجه بعد ، فهي أجنبيّة عنه ، إذ لا تكون زوجة إلا بعد العقد ) .
لو عندك حساب علي الفيس بوك
ادخلي اعملي لايك لاجمد صفحة للموضة و الفاشون
موضة كل يوم

صورة

صورة العضو الشخصية
همس السما
مراقب عام
مراقب عام
مشاركات: 4282
اشترك في: 13 مايو 2010, 09:31
النوع: انثى
الحاله الاجتماعيه: غير متزوج
الحاله الوظيفيه: صاحب عمل
انا حاليا: متفائل
مكان: مصر

Re: اوعي تسيبيه يمسكها يا فوزية

مشاركة بواسطة همس السما » 14 يوليو 2012, 16:19

هههههههههههههههههههههههه
:):) :):) :):)
كنتى سيبتيه يمسكها يا فوزية
لالا .. لا محمود ولا غيره يا فوزية :(:)
ضحكتينى من قلبى والله ، ماهو الكل بيغنى على ليلاه "_)(*##$
موضوعك زى العسل , تسلمى يا قمر

صورة العضو الشخصية
sohilahossam
محجبه متميزه
محجبه متميزه
مشاركات: 749
اشترك في: 20 إبريل 2009, 19:20
النوع: انثى
الحاله الاجتماعيه: غير متزوج
الحاله الوظيفيه: طالبه
مكان: Egypt
اتصال:

Re: اوعي تسيبيه يمسكها يا فوزية

مشاركة بواسطة sohilahossam » 14 يوليو 2012, 16:59

يسلم مرورك يا قمر نورتي الموضوع $#$$#
لو عندك حساب علي الفيس بوك
ادخلي اعملي لايك لاجمد صفحة للموضة و الفاشون
موضة كل يوم

صورة

Gege Esam
محجبه نشيطه
محجبه نشيطه
مشاركات: 183
اشترك في: 20 يونيو 2010, 15:20
النوع: انثى
الحاله الاجتماعيه: غير متزوج
الحاله الوظيفيه: طالبه

Re: اوعي تسيبيه يمسكها يا فوزية

مشاركة بواسطة Gege Esam » 21 أغسطس 2012, 07:07

بجد بجد ضحكتيني
وماتخافيش مش هيمسكها حتى لو وقف على راسه

صورة العضو الشخصية
I.Vichnevetsky
محجبه جديده
محجبه جديده
مشاركات: 2
اشترك في: 21 سبتمبر 2012, 21:38
النوع: انثى
الحاله الاجتماعيه: غير متزوج
الحاله الوظيفيه: موظفه حكوميه
انا حاليا: مكتئب
مكان: Estonia
اتصال:

Re: ???? ?????? ?????? ?? ?????

مشاركة بواسطة I.Vichnevetsky » 23 سبتمبر 2012, 09:25

انها حقا قطعة باردة و مفيدة من المعلومات. أنا مقتنع بأن لك تقاسم هذه المعلومات مفيدة معنا. يرجى البقاء على علم لنا مثل هذا. شكرا ل تقاسمها على www.hegab.net . أتمنى لكم حظا

أضف رد جديد

العودة إلى “اهتمامات الفتاه المحجبه”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد