هو دة حب النت والاخص (الفيس بوك)

[جاسمين]

هو دة حب النت والاخص (الفيس بوك)



يحب الولد الفتاه ويمنيها سنين بالعش الجميل
وعند ما يكون قادر علي الزواج يروح لوالدته تخطب له مجهوله
لا يعلمها مع ان المجهوله دي بيفتكرها معرفتش غيره

اكيد كانت بتحب واحد بردو وسابها لنفس السبب.
طيب مانت كان معاك الي ملكك والي مكنتش بتحب غيرك.
بس تعمل ايه في عصر اختفي منه المشاعر الصادقه.
لنلقي نظره علي حب دام اكتر من سنه

احمد:دودو سوري انا مش هاقدر اكمل معاكي
انا مضطر اسافر

دودو::طيب استناك

احمد:لا يا بيبي ممكن مش ارجع

دودو:طيب وحبنا

احمد:حب ايه بس يا بنتي هو انا لاقي اكل علشان احب واتجوز

دودو:يعني كنت بتهزر ومكنش حب.

احمد:لا طبعا كنت معجب ومازلت بس هاعمل ايه

دودو:اوك ربنا يوفقك

"وكل واحد مشي في طريق"

لا قلب اتحطم ولا عيون دمعت
احمد هيحب تاني وتالت
ودودو هتحب او تستني العريس

نموذج تاني

تامر:نانسي انا مضطر اسيبك

نانسي :ليه يا تيمو

تامر:ماما جابتلي عروسه ولازم اتجوزها

نانسي:طب وانا

تامر:معلش يا نانو احنا بردو هنفضل صحاب

نانسي:انت شايف كده

تامر:سوري يا بيبي

نانسي:عادي ولا يهمك اي دونت كير


ولا عين بكت ولا قلب انجرح
ونماذج كتير
وانا متاكد انكم تعرفوا كتير عنها

*خلاص بقى مفيش حب بجد بتاع زمان اللى نشوفة او اللى نعرفة من ايام الزمن الجميل فى افلام الابيض واسود يقعد شهور وايام ميعرفش اسمها اية ويوم ما تبصلة بصة واحدة يكون اسعد انسان فى العالم ويبقى مش مصدق نفسة
كلة شوية كلام واشتغالات*
ولا احساس بمشاعر ولا اى بتنجان قالى الوداع قولتله قشطه المركب

[samira malki]

فعلا يا جاسمين كل بقى سطحي ومغشوش للاسف

[TOTA1977]

انا راى مختلف الحب اللى انتى بتقولى عليه ما يعتبرش من مسميات الحب اصلا يا جاسمين هعتبره انه معرفه شخصيه هوائيه لان الحب معناه اسمى واعظم من ان يدركه هولاء الشخصيات معدومه العاطفه ولا يمكن ان نربط معنى الحب بالوسائل التكنولوجيه الحديثه زى ما كتير من الناس بتعتقد ان الحياه كلها بتتغير بيها حتى المشاعر الانسانيه لكن انا مش عايزاكى تفقدى الامل فى وجود الحب الحقيقى اللى ينتهى بالزواج لانه موجود فعلا فى هدا الزمن ولكنه نادر جدا ومحتاج صبر ونفس طويل ومعظم الشباب بتحب كل حاجه سريعه وتيك اوى ودليفرى اسفه لاطاله عليكى وارجو تقبل راى بصدر رحب (*&)

[جاسمين]

توتا
اكيد رايك صحيح نسبيا بس اللى تجهليه ان دة بقى حب العصر دة
انا كبنوتة صغيرة معرفشى يعنى ايه حب حقيقى او يعنى ايه حب كل االلى طلعت انا وجيلى لقيناه هو حب النت والفيس
وبرغم جهلنا بمعنى الحب وحلاوته الا اننا ننتظره ونتشوق لرؤيته
مرسى لمرورك