ذكرايات المحجبات فى المدرسة

[همس السما]

أهلا بأحلى عضوات فى حجاب ":":<
بصراحة وأنا بحضر حاجات المدرسة لأولادى رجعت بذاكرتى لأيام المدرسة وأول يوم دراسة وايه كان احساسى وقتها
وعلشان كدة انا جيت لكم النهاردة علشان نرجع بذاكرتنا لأيام الطفولة والبراءة
عاوزة أسمع ذكراياتكم فى المدرسة مع أول يوم دراسة,وندخل كمان على أيام الثانوى بصراحة عاوزة أعرفكم أكتر
يلا كل واحدة تدخل تقول كانت بتعمل ايه,يا ترى كنتم مشاغبين ,هاديين ,كتبتم قبل كدة على الديسك
كل حاجة "_)(*##$
يلا ارجعوا بالذاكرة وافتكروا أجمل أيام
مستنياكم

[samira malki]

موضوع لذيذ جدا وقريب لقلبي جدا جدا
بس خليني شوي ارجع بذاكرتي ولملم افكاري وارجعلك فعلا حتخلينا نفتكر احلى ايام حياتنا

[هبه]

ياااااااة ياهمس موضوع جميل اوى اوى ...فكرتينى بي احلى ايام وباحلى اصحاب

ياريت يرجع يوم واحد بس حتى منها ايام فعلا مش تتعوض انا حتكلم على مرحلة الثانويه العامه بصراحه طبيعتى مكنتش مشاغبه بس لما كنت الاقي حصه المستر او الميس اللى فيها مش على هوايا كنت ازوغ انا وبنت صحبتى مكنتشي بتحصل كتير اوى بردوة وكان ليا واحده صحبتى قاعدا جنبي كنا دايما نفضل نغنى انا وهى اغنيه معينه لعبدالحليم حافظ عمرى مانسيتها لحد الان وفعلا كتبنا على الديسك جملة عمرى مانسيتها بردوة اسمى واسمها واصدقاء لابد.

والايام الاحلى والاحلى كمان ايام بعد الثانويه العامه في المعهدايام بجدبجد نفسي نفسي ارجعلها لانى كنت بنسا كل همومى فيها مع اصحابي ولما كنت بتعب وادخل مستشفي ومش اروح الاقيهم كلهم يوميا عندى ياااااة ياهمس دموعى نزلت بجدلاشتياقي لايام دى

[samira malki]

الله يا همس على ايام البراءة الجميلة
كنت انتظر هذا اليوم بفارغ الصبر
في الابتدائي كنا نلبس لبسنا الجديد سواء بتاع العيد او خصيصا للدخول المدرسي وناخد ورقة وقلم ايوه بس ورقة ونشبك فيه القلم وطول ما انتي ماشية في الشوارع بتشوفي المنظر ده متكرر مع كل تلاميذ المدرسة ببيقى مشهد موحد في الوقت ده وبدوم لايام
وبعد زحمة المكتبات وشراء الكتب كان اجمل شئ عندي اجيب الكتب وتفحصها وهي جديدة واتنشق ريحتها الجميلة ولحد دلوقتي لما الاقي كتاب جديد بشم ريحته عشان ارجع احس نفس الاحساس الرائع بتاع زمان الله يا ريت ما كبرنا يا همس يا ريت

اما جو الثانوية اكيد مختلف كنا الايام الاولى مفيهاش دراسة حقيقية بنقضيها ضحك وحكي عن الاجازة خاصة اننا بنكون وحشنا بعض وانا بطبيعتي مكنتش مشاكسة كتير يعني عاقلة نوعا ما اي لا اخرج عن المالوف يعني كنا لما بنعمل موقف ما او نزوغ بكون في اطار جماعي >-< اه يا همس الحقيقة حاجات كثيرة وجميلة مكناش بنحس باهميتها وجمالها الا بعد ما كبرنا وكبرت همومنا
يا رب تبعث لنا ايان حلوة ولو نص تلك الايام
شكرا انك فكرتينا وخلتينا نستحضر احاسيس جميلة كنا نتناساها لانه مستحيل ننساها

[همس السما]

والله يا بنات أنا بقالى كتيييير ماافتكرتش الأيام دى مشاغل الحياة ,لكن فعلا مش ممكن تتعوض
كان أكبر همنا نلبس ملابسنا الجديدة ونجرى ع المدرسة ونقابل أصحابنا اللى وحشونا طول فترة الأجازة
أفتكر انى فى ابتدائى كنت عاملة زعيمة الفصل وأنا اللى أخد كراسات الفصل وأخدهم على حجرة المدرسين وأى طلب أجرى على طول علشان أخرج شوية من الفصل
لدرجة مرة مدرس لينا فى 5 ابتدائى اتغير بمدرس تانى ,جمعت اصحابى وعملنا شبه مظاهرة على قدنا وطلبنا يرجع تانى بجد والله ههههههههههههه
أما الثانوى أنا كنت عاقلة أوى لكن برضه مااسيبش حقى حتى مع المدرسين بس بأدب والله,وأفتكر مرة مدرسة كانت مصرة أخذ عندها درس وانا كنت باخد عند واحدة تانية حاولت معايا بجميع الطرق لدرجة انها عرضت أخد الدرس من غير فلوس ولما ماوافقتش هددتنى بانى هشيل المادة وطبعا هنا أهلى اتدخلوا فى الموضوع وعملت اللى فى دماغى
أما أصحابى انا كنت أقدر الصداقة جدااا وكنت لية صاحبات مقربين لية كنا نقضى كل الوقت مع بعض فى المدرسة والدروس وملينا الديسك بأسامينا وأسامى كل شلتنا
ياااااااااااااه أحلى أيام والله
أما أيام الجامعة هى دى بقى أحلى سنين العمر وأحلى أصحاب وحشووووووونى أوى أوى
كنا على طول فى الكافتيريا أو نتجمع فى المكتبة بس مكنتش بسيب محاضرة
أما الرحلات كنا نطلع مجموعة كلنا مع بعض ,يا ريت ترجع الأيام دى تانى ولو يوم واحد بس

ربنا يجعل كل أيامكم مليئة بالفرح والذكرايات الجميلة

[samira malki]

همس مش فاهمة كلمة
الديسك

[همس السما]

همس مش فاهمة كلمة
الديسك

الديسك يا سمورة اللى هو البينج أو هو المكتب أو المقعد اللى بنجلس عليه فى الفصل
يا ترى عرفتيه

[samira malki]

اه دلوقتي فهمت <:>
واكيد طبعا كلنا كتبنا في المقعد بل ده من اساسيات الشغب في الفترة ده >-<

[noureen]

فكرتينى هموسة بأيام جميلة بجد و انا اساسا مش بنساها تحديدا انهاردة افتكرتها
انا كنت خارجة انهاردة و شفت لبس المدرسة و الناس بتشتريه و كانوا بيقيسوه و قعدت اتفرج عليهم >-< افتكر ازاى كنت بأخرج انا و والدتى و بنشترى اللبس و شنطة المدرسة و كل لوازم الدراسة

و فاكرة اول يوم فى الحضانة لنا كنت رايحة الحضانة و انا مبسوطة اوى و شايلة الشنطة بس اول ما وصلت لقيت الاطفال اللى بيبكى واللى ماسك فى امه و عايز يمشى معاها انا ساعتها قلقت و خفت مع انى كنت رايحة و متشوقة للدراسة

و انا كنت هادية و مش مشاغبة خالص

و فترة الثانوية كانت ايام برضه متتنساش و هى اكبر فترة اتعرفنا فيه على صديقات و استمرت لغاية الوقت

بس أحلى فترة هى الجامعة
مع انى كنت فى كلية عملية و كان على طول بنبقى فى المعامل و الدراسة الا ان كانت فى اوقات حلوة اوى و منساش لما كنا بنخرج نفطرو بعدين نحضر المحاضرات و بين المحاضرات و السكاشن نقعد و نتكلم و مواقف كتير مضحكة اول مرة دخلت سكشن معين فى الكلية مقدرش انسى الموقف ده
و لينا اماكن معينة فى الكلية كنت بحب اقعد فيها و كنت فى الكلية من فترة بسيطة من اسبع و كنت مبسوطة و انا بشوفها لأن بقالى سنين مشفتهاش و طول مانا ماشية فى الكلية و انا بفتكر حاجات حصلت و بقول لزميلتى هنا كنت بقعد و هنا بنستنى ميعاد المحاضرة كان احساس حلو اوى و انا ماشية فيها و بفتكر كل اللى كنا بنعمله انا و زميلاتى

و فعلا صديقاتى اللى لسة مستمرين معايا لغاية الوقت و احدة منهم كانت من الثانوية و الباقى اتعرفت عليهم من الكلية