ابتسامة بالرصاص
مرسل: 16 فبراير 2012, 10:41
ابتســامة بالرصــاص
أحساس غريب كلنا بنمر بيه أحساس مدمر واسمحولى ما اقولش اى مقدمات لانه احساس الوحده احساسك انك لوحدك
مهما كان عدد الناس اللى حواليك بيجى عليك وقت وبتحس انك وحيد جدااااااااااا
زى اللى بيقع جوه بير غويط……… كل ما تحاول تطلع منه ترجع تقع تانى
او ان الدنيا تكون بالنسبه ليك زى السباق عمال بتجرى بس مش لاقى نهايه للسباق ده لدرجة أنك بتوصل لمرحلة مش قادر تكمل محتاج أنك تقف شويه وتاخد نفسك.
عمرك بصيت لحياتك وحسيت ان فى سنين من عمرك مرت كده؟
أو انك محتاج لدفعه او لحاجه تديلك سبب للحياه؟
طب حسيت قبل كده بالغربه؟
وما اقصدش بيها انك تسافر بره بلدك لان ده غربه مؤقته.
أنما أحساس الغربه أنك تحس أنك وسط اهلك وسط أصحابك بس لوحدك…
تحاول كتير انك تحارب الاحساس ده بس بيشدك تانى …. وعلشان نكون صادقين الاحساس ده مش بنحس بيه الا اذا مرينا بصدمه سواء حياتيه او عاطفيه او أحباط………….
أحساس قاتل لما تبقى وحيد لما تكون الدنيا بالنسبه لك مجرد أيام وبتعدى والحياه ماشيه, بتوصل لمرحلة اللامبالاه وتبدأ تدخل فى الروتين القاتل وساعات تحس و كأنك بتحلم بس حلم صعب اوى انك تفوق منه او بمعنى أدق مش عارف تخرج منه, بتلاقى ان أقرب الناس اللى حواليك يبدأوا يلاحظوا التغير اللى فيك ويحسول بالفضول فى الاول بس بعد كده بيشيلوا همك فتضطر لانك ترسم على وجهك( أبتسامه بالرصاص)
وأختارت التعبير ده لآنها سهل تتمسح تضحك قدامهم وتحاول تبين انك عادى بس انت من جواك أحساسك ده مكسرك تبقى نفسك ترجع تانى تضحك من قلبك لكن مش قادر ضحتك مسجونه جواك وكأنك أنسان فاضى من جواك تبدأ الحياه تتحول لايام وبتعدى هاجبهالك فى جمله سمعتها بس لو فكرت فيها هاتلاقيها صح جدا ( أيام وبتعشنا وفاكرين اننا عايشين) فعلا الايام هى اللى بتعشنا.
تفضل مخلى احساسك ده جواك علشان ما تشيلش حد همك فتسكت وتسيب كل حاجه جواك زى ما هى ولما تيجى تحكى عن اللى انت حاسه تلاقى اللى قدامك تصعب عليه فتتمنى الموت ولا أنك تحس بضعفك قدام حد أو تحس أن اللى قدامك بيحس بالشفقه عليك أو على حالك فترسم على شفايفك (أبتسامه بالرصاص)
ممكن البعض يحس ان كلامى حزين زياده بس لو فكرت فيه هتلاقى اننا بنحس اضعافه لما بنعيش الاحساس الصعب بأنك غريب فى الدنيا.
بس صدقنى حالو تخرج نفسك من أحساسك ده لآن الاحساس ده هايخليك تتكسر من جوال بالبطئ ولما تحب ترجع تانى زى الاول مش هاتقدر.
بص لحياتك بشكل عام ممكن تكون أحباطت او انجرحت او اتصادمت فى تعاملاتك مع الناس والدنيا بس بص لانكفى ناس حواليك بيحبوك حب صافى فى ناس يهمها انها تشوف فرحك حتى ولو ما قالولكش كده بصراحه.
ما تبصش لانك وقت وتفضل مكانك بص لانك تقوم اقوى من الاول خد وقتك وجمع نفسك من جديد وماتخليش الاحساس ده يسكنك ويتملكك خليه أحساس مؤقت أجير عندك واطرده من جواك………….. أخرج اتفسح أعمل حاجه مجنونه روح دريم بارك وصرخ براحتك كل اللى حواليك هايبقوا زيك مش بيصرخوا من الخوف عاوزين يخرجوا طاقه سلبيه جواهم مخنوقين. صدقنى هاتحس انك احسن
روح واعمل حاجه جديده حاجه انت ما عملتهاش قبل كده حاجه مجنونه بس مش قوى مش عاوزين نخرب الدنيا.
أجرى أجرى اجرى ……….. لحد لما تحس أنك مش قادر تاخد نفسك و زورك وجعك اوى.
وفى الاخر حول ابتسامتك من ابتسامه بالرصاص لابتسامه بالالوان صعب انها تتشال ابدا.
ونصيحه منى ليك: اضحك حتى ولو أبتسامتك بالرصاص المهم انك تضحك.
أحساس غريب كلنا بنمر بيه أحساس مدمر واسمحولى ما اقولش اى مقدمات لانه احساس الوحده احساسك انك لوحدك
مهما كان عدد الناس اللى حواليك بيجى عليك وقت وبتحس انك وحيد جدااااااااااا
زى اللى بيقع جوه بير غويط……… كل ما تحاول تطلع منه ترجع تقع تانى
او ان الدنيا تكون بالنسبه ليك زى السباق عمال بتجرى بس مش لاقى نهايه للسباق ده لدرجة أنك بتوصل لمرحلة مش قادر تكمل محتاج أنك تقف شويه وتاخد نفسك.
عمرك بصيت لحياتك وحسيت ان فى سنين من عمرك مرت كده؟
أو انك محتاج لدفعه او لحاجه تديلك سبب للحياه؟
طب حسيت قبل كده بالغربه؟
وما اقصدش بيها انك تسافر بره بلدك لان ده غربه مؤقته.
أنما أحساس الغربه أنك تحس أنك وسط اهلك وسط أصحابك بس لوحدك…
تحاول كتير انك تحارب الاحساس ده بس بيشدك تانى …. وعلشان نكون صادقين الاحساس ده مش بنحس بيه الا اذا مرينا بصدمه سواء حياتيه او عاطفيه او أحباط………….
أحساس قاتل لما تبقى وحيد لما تكون الدنيا بالنسبه لك مجرد أيام وبتعدى والحياه ماشيه, بتوصل لمرحلة اللامبالاه وتبدأ تدخل فى الروتين القاتل وساعات تحس و كأنك بتحلم بس حلم صعب اوى انك تفوق منه او بمعنى أدق مش عارف تخرج منه, بتلاقى ان أقرب الناس اللى حواليك يبدأوا يلاحظوا التغير اللى فيك ويحسول بالفضول فى الاول بس بعد كده بيشيلوا همك فتضطر لانك ترسم على وجهك( أبتسامه بالرصاص)
وأختارت التعبير ده لآنها سهل تتمسح تضحك قدامهم وتحاول تبين انك عادى بس انت من جواك أحساسك ده مكسرك تبقى نفسك ترجع تانى تضحك من قلبك لكن مش قادر ضحتك مسجونه جواك وكأنك أنسان فاضى من جواك تبدأ الحياه تتحول لايام وبتعدى هاجبهالك فى جمله سمعتها بس لو فكرت فيها هاتلاقيها صح جدا ( أيام وبتعشنا وفاكرين اننا عايشين) فعلا الايام هى اللى بتعشنا.
تفضل مخلى احساسك ده جواك علشان ما تشيلش حد همك فتسكت وتسيب كل حاجه جواك زى ما هى ولما تيجى تحكى عن اللى انت حاسه تلاقى اللى قدامك تصعب عليه فتتمنى الموت ولا أنك تحس بضعفك قدام حد أو تحس أن اللى قدامك بيحس بالشفقه عليك أو على حالك فترسم على شفايفك (أبتسامه بالرصاص)
ممكن البعض يحس ان كلامى حزين زياده بس لو فكرت فيه هتلاقى اننا بنحس اضعافه لما بنعيش الاحساس الصعب بأنك غريب فى الدنيا.
بس صدقنى حالو تخرج نفسك من أحساسك ده لآن الاحساس ده هايخليك تتكسر من جوال بالبطئ ولما تحب ترجع تانى زى الاول مش هاتقدر.
بص لحياتك بشكل عام ممكن تكون أحباطت او انجرحت او اتصادمت فى تعاملاتك مع الناس والدنيا بس بص لانكفى ناس حواليك بيحبوك حب صافى فى ناس يهمها انها تشوف فرحك حتى ولو ما قالولكش كده بصراحه.
ما تبصش لانك وقت وتفضل مكانك بص لانك تقوم اقوى من الاول خد وقتك وجمع نفسك من جديد وماتخليش الاحساس ده يسكنك ويتملكك خليه أحساس مؤقت أجير عندك واطرده من جواك………….. أخرج اتفسح أعمل حاجه مجنونه روح دريم بارك وصرخ براحتك كل اللى حواليك هايبقوا زيك مش بيصرخوا من الخوف عاوزين يخرجوا طاقه سلبيه جواهم مخنوقين. صدقنى هاتحس انك احسن
روح واعمل حاجه جديده حاجه انت ما عملتهاش قبل كده حاجه مجنونه بس مش قوى مش عاوزين نخرب الدنيا.
أجرى أجرى اجرى ……….. لحد لما تحس أنك مش قادر تاخد نفسك و زورك وجعك اوى.
وفى الاخر حول ابتسامتك من ابتسامه بالرصاص لابتسامه بالالوان صعب انها تتشال ابدا.
ونصيحه منى ليك: اضحك حتى ولو أبتسامتك بالرصاص المهم انك تضحك.
رغم الالم 