طريقة عمل الحواوشى

[manola]

المقادير :عدد من أرغفة العيش البلدى حسب عدد افراد الأسرة .....لحمة مفرومة حسب الرغبة ....بصل مبشور ناعم ويكون كتير يعنى انا احط على النص ك لحمة 3بصلات ....ملح وفلفل وشطة ودى اختيارى الطريقة : نضع اللحمة فى وعاء وعليها كل التوابل والبصل ونخلط كويس وبعدين نحشى الأرغفة كويس ونفرد اللحمة كويس فى الجوانب عشان بعد السوا متكونش فاضية عشان اللحمة بتكش ونلف كل رغيفين فى ورقة فويل بعد دهنها زيت خفيف وترص على رف الفرن فى درجة 240 لمدة 45ق وبعد السوا مباشرة نفك الفويل بحرص ونرص الأرغفة فى صينية ونكون سخنا فحمة ونحطها فى طبق صغير وفوقها شوية زيت ونتركها لمدة 20 ق ونحكم الغلق وبالهنا والشفا يارب تجربوها وتقولوا رايكم

[هبه]

<:> <:> <:>

[amira ali]

السلام عليكم ورحمة الله وبركاتة،،،
اولا بشكرك اختى فى الله علي الوصفة وعلي فكرة انا بعمل نفس الطريقة تقريبا بس مع اختلاف طريقة وضعها فى الفرن بس كمان بضيف مع البصل المفروم والتوابل مفروم من الفلفل الأخضر وحزمة بقدونس مقطعة قطع صغيرة ،،،
انا هجرب طريقتك في دخولها الفرن وانتى كمان ياريت تجربي طرقتي بهذ الأضافات ،،، وجزاكي الله خيرا"

[manola]

شكرا يا اميرة اعتقد هيبقى طعمها احلى وجديد مع الاضافات بتاعتك هاجربها ان شاء اللة