ممكن لفات طرح للوجه الممتليء

[Dandoona]

"$&
السلام عليكم اخواتي في الله
والله هذا المنتدى هايل
انا سجلت فيه لانى حبيت اشارك فيه باذن الله
وهبدأ مشاركاتي بسؤال مهم لي اوى

كنت عاوزة تشكيلة لفات طرح للوجه الممتلئ.....تكون بتغطي الرقبة وتخفي عيوب الوجه الممتليء

تحياتي وبليييز ردوا عليا مستنياكم <:>

[هبه]

اهلا بيكى معانا في حجاب دوت نت

قسم لفات الطرح لدينا يوجد بيه الكثير من لفات الطرح المناسبه لطلبك ابحثي وسوف تجدى ما تريديه ان شاء الله اضغطى هنا على هذا الرابط لتكونى في قسم لفات الطرح الخاص بالموقع
لفات طرح للمحجبات

[Dandoona]

ميرسي ليكي يا جميل
انا اطلعت على بعض المقالات والصور للفات الطرح
وكلها ما شاء الله جميلة جدا
بس لما جربت بعضها مكانش لايق علي وجهي اوى لانه مدور وممتلئ

[naaaanaaaa]

انا انصحك باللفة الاسبانيش هى من اكتر اللفات التى تناسب الوجه الممتلىء
وهي ابتكار مستوحى من التراث العربي القديم نستخدم تقنية الربطة الإسبانية في الطرحة الأولى التي يفضل أن يختلف لونها عن لون الطرحة الثانية ولكن تتناسق معها كذلك يمكن إضافة طرحة ثالثة، وهي ربطة تعتمد على إبراز كثافة الحجاب حول الوجه ما يساير الموضة في ابتكاراتها الجديدة وتربط بعقدة أعلى الرأس وهى تلائم الوجوه المستديرة الممتلئة
وان شاء الله هتلاقى كتير موجود فى قسم لفات الطرح كما وضحت مشرفتنا هبة
(*&)

[Dandoona]

شكرا شكرا شكرا جزيلا
بجد انا استفدت كتير
ما شاء الله عليكن جميعن

[naaaanaaaa]

(*&)
شرح بعض لفات الاسبانيش
الربطة الأولى


1- هتجيبي بندانة قطن وتلبسيها بعد كده هتجيبي إيشارب طويل وتحطيه في منتصف رأسك...



2- هتجيبي دبابيس علشان تثبتي الإيشارب في منتصف رأسك... هتجيبي أحد أطراف الإيشارب وتلفيه حوالين رقبتك وتثبتي طرف الإيشارب بدبوس على أحد الأجناب.




الربطة التانية


1- هتجيبي إيشارب طويل وتربطيه كويس من الخلف وياريت الربطة دي تكون حوالين كحكة شعرك... هتجيبي الإيشارب التاني وتحطيه من قدام بطريقة مائلة بحيث إن جزء من الإيشارب الأولاني يبان وتربطيه من الخلف..



2- هتلفي أحد أطراف الإيشارب الأول حوالين كحكة شعرك مرة واحدة وتثبتي الطرف ده بالدبابيس كويس وتسيبي الطرف التاني علشان تعملي بيه ضفيرة... هتجيبي أحد أطراف الإيشارب الثاني وتلفيه حوالين رقبتك وتثبتيه بدبوس من على الجنب.


3- هتمسكي الطرف الثاني من كل إيشارب وتضفريهم مع بعض.. وتسيبي الضفيرة دي على ظهرك أو على كتفك..
على فكرة ممكن تبتكري حاجات تانية في اللفة دي زي مثلا إنك تحطي الإيشارب التاني بشكل ثابت على رأسك مش مائل بحيث إن جزء بسيط من الإيشارب الأولاني يبان.




الربطة الثالثة


1- هتربطي شعرك بالإيشارب من الخلف.. هتجيبي إيشارب تاني يكون لونه مناسب للون الإيشارب الأولاني وتحطيه في منتصف رأسك وتربطيه هو كمان من الخلف.


2- هتبدئي في إنك تلفي الإيشارب التاني حوالين كحكة شعرك وتثبتي اللفة دي بالدبابيس.


3- هتجيبي أطراف الإيشارب الأولاني وتربطيه حوالين رقبتك من الأمام.