خطوبة أختى بكرة وعاوزة رأيكم بسرعة....؟؟

[s1a2r3a4h5]

السلام عليكم ورحمة الله وبركاته
أنا دلوقت فى ورطة خطوبة أختى بعد بكرة وللأسف كلنا اتفجئنا عشان اهل العريس هما اللى حددولنا المعاد وأنا امبارح اول ما عرفت كدة أخذت ماما ونزلن عند محلات الفساتين السوارية واشتريت انا واختى فستانين سواريه روعة
بس المشكلة هى:
الفستان السواريه بتاعى لونه سكرى كله بس هو عبارة عن فستان طويل لونه سكرى من الامام تحت منطقة الصدر محلى بخرز جميل لونه سكرى وفضى ونازل من الخرز قطعة طويلة من الحرير ونفس ومن الخلف الفستان عبارة عن علامة إكس مفتوحة لأخر الظهر ومحلاه بخرز فضى وسكرى
المهم
أنا عاوزة لون بادى وطرحة حلوين يتماشوا مع لون الفستان السكرى بتاعى وأتمنى يكونو غامقين عشان الفستان كله سكرى سادة عشان لو أنا جبت بدى فضى او سكرى هبقى عاملة زى الملايكة أو العروسة وفى نفس الوقت عاوزة لون يكون غامق حلو يشرب اللون السكرى بتاع الفستان السواريه حيث ان لون بشرتى خمرى وانا عاوزة لون حلو يدخل مع الفستان والطرحة بحيث يفتح وجهى ويحليه
أرجووووووكم فيدونى بألوان البدى والطرحة
ولكم منى فائق الشكر والتقدير والاحترام
بس ارجوكم ردوا عليا ضرورى النهاردة وياريت قبل المغرب عشان ألحق اروح للترزى بتاعى عشان يظبطلى الفستان وبعد كدة أروح اشترى البدح اللى هاتقولولى عليهم.........؟؟؟!

[samira malki]

شوفي يا قمر قسم لفات الحجاب فيها مئات انواع اللفات والالوان اكيد حتستفيدي منها والف الف مبروك

[s1a2r3a4h5]

[color=#4000BF]بس أنا عاوزة رأى محدد عشان ماعنديش وقت اتفرج على الموقع لأننا مزنوقين جدا عشان بنجهز للفرح
أرجوكم اعطونى رأى صحيح ومحدد[/color]

[همس السما]

ألف مبروك أختى وربنا يتمم بخير
أنا رأى ان الفستان ممكن تضيفى بعض الخرز على الصدر او الأحجار يكون لونها فيروزى أو تيركوازوبالتالى تقدرى تلبسى بادى نفس اللون الفيروزى أو التيركواز
أما بالنسبة للطرحة فيفضل أن تكون أكثر من قطعة لون سادة عبارة عن التيركواز ولون آخر لطرحة فضى وطرحة ثالثة تكون مزيج من مجموعة ألوان طبعا فيها اللون التيركواز والفضى
يا رب أكون قدرت أفيدك

[s1a2r3a4h5]

شكرا خالص على فكرتك الجميلة دى يا همس السما
بس ممكن آخذ رأيك فى حاجة
ينفع انفذ فكرتك دى فى الفستان بس( باللون الموف -أو الأزرق-أو اللبنى )اية رأيك فى الالوان دى اصل انا بحبها اوى ايه رأيك في اى واحد منهم هل تتوقعى ان شكله هيبقى حلو
ياريت تردى بسرعة دلوقت عشان انا نازلة اشترى اللى قولتيلى عليه دلوقت...........؟؟؟؟؟
(*&)

[همس السما]

بعتذر عن التأخير عليكى
الله يكرمك كلك ذوق
أنا أحب أقولك إن التيركواز هو من درجات اللون الأزرق
أما الفيروزى هو أيضا قريب للبنى بس بدرجة زاهية شوية
وأنا رأى ان اللون دة يكون مناسب للون بشرتك أكثر من الموف
وربنا يوفقك يا قمر فى شراء الحاجات المطلوبة ...وألف مبروك للمرة الثانية

[s1a2r3a4h5]

شكرا خالص على ردك الجميل دة يا همس السما..!!
انا نزلت امبارح واشتريت ( خرز تركواز جميل _واشتريت بدى تركواز _وطرحة كريستال تركواز _وتول بيلمع لونه سكرى _وبطانة عادية لونها سكرى )
بس انا محتارة فى نظام الميكب خاصة ان انا بشرتى خمرية ذى ما قولتلك و وجهى صغير شوية وانفى طويلة سنة بسيطة
ياريت تفيدينى برأيك الجميل دة..!!
وأيضاً محتارة فى اسلوب لفة الطرحة خاصة ان انا ناوية الفها لفة عادية عشان بتليق فى وجهى وبتعرضه شوية ياريت تفيدينى فى طريقة اللفة وترتيب الطرح واى اضافات جديدة للطرحة..؟؟
علماً بأنى مش هقدر افرج على قسم الطرح اللى فى الموقع عشان معنديش وقت خالص ذى ما قولتلك قبل كدة
ارجوكى يا همس حاولى تردى عليا بسرعة وبحكمة...........؟؟؟؟؟؟؟؟؟

(*&)

[همس السما]

أشكرك لذوقك يا قمر
بالنسبة للميك آب
أنا رأى انك تستعملى كريم أساس نفس درجة بشرتك ما تحاوليش تفتحيه عشان ما يتركش أثر مش كويس للمكياج وتستعملى كونسيلر بعد طبعا ما تعملى كريم الأساس على الوجه كله
تجيبى كونسيلر لونه غامق شوية وتضعى منه على منطقة الأنف من فوق عند العظمة بس مش من الأول للآخر ( يعنى من الجزء اللى حاسة انه طويل شوية )
وبعد كدة تستعملى البودرة عادى على الوجه وطبعا لازم تكون نفس درجةكريم الأساس
وطبعا تستعملى أحمر خدود لونه روز ابعدى عن الألوان القريبة من الأحمر وتيجى عند منطقة العظمة اللى فى الخد وتضعى احمر الخدود بلاش من اول الخد للآخر
أما بالنسبة لرسمة العين هتستعملى آى شادو لونه أبيض تضعيه على كل الجفن من الأول حتى منطقة الحاجب زى طبقة أساس
وبعد كدة تستعملى آى شادو من درجات الأزرق ويا ريت يكون غامق هتعمليه على منطقة الجفن المتحركة فقط ( وما تجيش ناحية الحواجب )
وبعد كدة هتجيبى آى شادو أبيض بيلمح وهتحطيه تحت منطقة الحاجب من داخل العين للخارج
وتستعملى قلم آى لينر أسود وترسمى العين وبلاش يكون عريض كل ما كان رفيع يكون أحسن
وتحددى العين بقلم كحل أزرق ولو تعرفى تضعى قليل من الآيشادو الابيض الامع من تحت الرموش للعين من تحت يكون أفضل بس برضه حاجة بسيطة ...وأخيرا الماسكارا باللون الأسود
وفى الآخر تستعملى قلم حواجب لونه بنى بلاش اللون الأسود
بالنسبة للفة الطرحة
لو تعرفى تجيبى بطانة تيركواز يكون أفضل ولو ما عرفتيش ما فيش مشكلة هتلفيها كالتالى
هتجيبى البطانة السكرى من الطرف خالص وتلفيها وبعديها التول اللامع وبرضه من الطرف بحيث تكون بين الطرحتين مسافة واحد او اتنين سم ....وبعد كدة هتضعى الطرحة التيركواز وبرضه نفس المسافة وترجعى تلفى كل طرحة من تانى من منتصف الرأس بس فوق بعضيهم يعنى مش بتدريج الألوان بحيث تكون الطرحة التيركواز هى اللى فى الآخر
يا رب أكون عرفت أفيدك ...ويا رب تطلعى زى القمر

[همس السما]

أنا جبت ليكى مجموعة مواضيع عن طريقة لف الحجاب أو الميك آب يا رب تستفيدى منهم
ملحوظة ممكن تاخدى فكرة من كل صورة يعنى مش لازم تعملى زيها بالضبط
اضغطى على الروابط

http://hegab.net/viewtopic.php?f=23&t=14180


http://hegab.net/viewtopic.php?f=23&t=14187

http://hegab.net/viewtopic.php?f=23&t=13963

http://hegab.net/viewtopic.php?f=23&t=14350