صفحة 1 من 1
محتاسه اوي اوي
مرسل: 18 يناير 2011, 23:16
بواسطة Gege Esam
انا عندي فرح بنت خالتي كمان شهر ومش عارفه البس ايه
انا عندي 18 سنه ورفيعه جدا وقصيره
قولولي اعمل ايه وافصل و لا اشتري جاهز وايه رايكوا في فكره الايجار
اختارولي اللون وكمان الموديل اللي يليق على جسمي
وكمان انا وشي مدور ومش رقيع اوي الف الطرحه ازاي
معلش هتعبكوا معايا بس الناس لبعضها
Re: محتاسه اوي اوي
مرسل: 18 يناير 2011, 23:30
بواسطة samira malki
دائما منورانا Gege Esam
انا طبعا مش خبيرة اناقة لكن حقولك رايي
اولا شوفي اللي موجود في السوق لولاقيت حاجة تناسب جسمك وتكون مناسبة اكيد ده حيريحك
لولم تجدي فصلي حاجة تكون نعمة وسامبل والوانها هادية وفي نفس الوقت تناسب سنك تكون ستان وردي مثلا عموما الستان بناسب كل الاجسام وتليق عليه كل الاولوان
اما اللفة افضل تكون علدية وتزيينها ببرش مثلا
ا رايي المتواضع لكن الاقسام قدامك وتقدري تستوحي الموديل اللي انتي عايزاه
مبروك لبنت خالتك وعقبالك وسعداء بتواجدك معنا دائما
Re: محتاسه اوي اوي
مرسل: 18 يناير 2011, 23:33
بواسطة همس السما
ألف ألف مبروك وعقبالك يا قمر
وأكيد لا تعب ولا حاجة
واحنا كلنا هنا مع بعض عشان نفيد بعض
أنا من وجهة نظرى الجاهز أفضل من التفصيل الا اذا كنتى متأكدة من الأتيليه اللى هتفصلى عنده
وانتى سنك صغير يعنى أى لبس ممكن يكون عليكى حلو ,,,بمعنى مش لازم تلتزمى بلبس فستان السواريه وفكرة الايجار وكدة
حاولى تلبسى طقم مكون من قطعتين بحيث تبانى أطول وأتخن وفى نفس الوقت شيك ومناسب لسهرة...أو فستان سهرة بس يكون سيمبل مش مبالغ فيه و يحتوى على أكثر من لون دة يبين جسمك أتخن وطبعا الألوان تكون متناسقة
وحاولى يكون مش واسع أوى عشان متبانيش رفيعة أوى يعنى يكون مظبوط عليكى لا واسع ولا ضيق
بالنسبة للون تكون ألوان فاتحة عموما بس لو قولتى لون بشرتك يكون أفضل عشان اقولك الألوان المناسبة ليكى
بالنسبة للفة الطرحة ممكن تكون لفة اسبانيش تكون حلوة على الوجه المدور بس بلاش يكون مبالغ فيها عشان تتناسب مع جسمك
يا رب أكون قدرت أفيدك
Re: محتاسه اوي اوي
مرسل: 18 يناير 2011, 23:47
بواسطة Gege Esam
انا متشكره جدا جدا بصراحه ماكنتش متوقعه السرعه دي ربنا يخلينا لبعض
ميرسي اوي ياهمس انتي وسما
وبالمناسبه انا بشرتي بيضه
Re: محتاسه اوي اوي
مرسل: 18 يناير 2011, 23:51
بواسطة samira malki
احنا بفرحنا نساعدك كلنا هنا اخوات 
طالما بشرتك بيضاء اختاري اي لون ولا تخافي ابدا كل الالوان تليق على البشرة البيضاء
Re: محتاسه اوي اوي
مرسل: 18 يناير 2011, 23:54
بواسطة Gege Esam
ميرسي اوي انا متشكره ليكي وعقبال زفافك
Re: محتاسه اوي اوي
مرسل: 19 يناير 2011, 00:08
بواسطة همس السما
Gege Esam كتب:انا متشكره جدا جدا بصراحه ماكنتش متوقعه السرعه دي ربنا يخلينا لبعض
ميرسي اوي ياهمس انتي وسما
وبالمناسبه انا بشرتي بيضه
الشكر لله حبيبتى احنا هنا كلنا اخوات
وفعلا زى سميرة ما قالت لك كل الألوان تليق عليكى
ويارب يتمم بخير وتكونى زى القمر
Re: محتاسه اوي اوي
مرسل: 23 فبراير 2011, 16:01
بواسطة جاسمين
انا بفضل انها تلبس جيب واسع لانه بيتخن ويكون اسود وعليه توب ابيض مفتوح زى جاكت وتلبسى تحتة بلوفر اسود برقبة والطرحة ممكن تكون الشال الفلسطينى وتحته طرحة سودا وتعمليها اسبنش وفى ودانك حلق كبير
صدقينى هتبقى برنسيس الفرح
ودة رايي متواضع مع ان افكار همس وسما تجنن وصدقينى انا جربت الاستايل دة كان يجنن