أرجوكم ساعدونى بكل ما لديكم من......؟

لديكى طلب صور موديلات ؟ لفات طرح ؟ هذا القسم المناسب لكى . ضعى طلبك هنا !
ممنوع وضع اي موضوعات اخرى لاتناسب هذا القسم هنا

المشرفون: نواب المدير العام،فريق الاشراف والاداره

أضف رد جديد
s1a2r3a4h5
محجبه جديده
محجبه جديده
مشاركات: 14
اشترك في: 21 يونيو 2008, 19:01
النوع: انثى

أرجوكم ساعدونى بكل ما لديكم من......؟

مشاركة بواسطة s1a2r3a4h5 »

أنا فرح أختى قريب وعاوزة نصائحكم فيما يلى :

أولا:
أختى الصغيرة هى فى ثالثة اعدادى اشترت فستان لونه موف فى ذهبى قصير لحد الركبة واشترت بوط و بنطلون كارينا موف ومشعارفة تجيب ايه فى الطرح المهم ايه رأيكم فى حكاية الفستان القصير وعليه بةط وبنطلون كارينا وطرح وبدى؟ المشكلة ان بابا مش عاوزها تقلع الحجاب فى الفرح وهى مشعارفة هل كدة شكلها هيبقى حلو ومتميز ولا ايه عشان لو كان كدة اخليها ترجع الفستان وتبدله بفستان آخر عشان الوقت
افيدونى بالحل بسرعة عشان لو شايفين ان فكرة الفستان القصير دة حلو يبقى ايه لون البدى والطرح والبنطلون الكارينا ولو فى اى اقتراحات من عندكم تضيفها فى الطرح او البدى او اى حاجة أفيدووووونى

ثانياً:
انا بقى اخت العروسة والفرق بينى وبينها سنة واحدة بس يعنى انا اللى عليا الدور بعديها فى الفرح عشان كدة عاوزة أظهر جميلة والناس تحس ان دى اخت العروسة ويقولو الله عليها بصوا بقى انا جبت فستان تركواز فى ذهبى عبارة عن سمكة من بعد الوسط و فيه وروود ملموم بها الفستان على جمب مرفوع بيها الفستان وظاهر تحتيه التول الذهبى ، ومع الفستان وردة تركواز تتربط فى الرقبة زى اكسسوار المهم بقى أجيب ايه لون البدى و الطرح و الاكسسوارات وايه رأيكو اجيب كوله تركواز أو اكسسوار البسه مع الوردة اللى هلبسها فى الرقبة وايه رأيكم احاول اعمل شغل فى البدى ولو عملت يبقى اعمل الشغل دة فين؟ ياريت تفيدونى بآرائكم

ثالثاً:
أختى العروسة هى بشرتها قمحاوية على ابيض هى جابت فستان فرح جميل عبارة عن كب وفى ناحية اطول من ناحية عند الصدر وفيه خرز زى رييش الطاووس وكله مطعم بالخرزونازل مكسم من الوسط وبعد كدة منفوش وفيه من تحت بعد كدة شورية ديكورات على شكل ريش الطاووس واختى وجهها مدور وجسمها مظبوط هيا محتارة تكون لفة الطرحة ازاى والبدى الشغل اللى فيه يكون ايه و هل تظهر الحلق من الطرحة ولا ايه ياريت تفيدونى بمقترحاتكم الجميلة
همس السما
مراقب عام
مراقب عام
مشاركات: 4282
اشترك في: 13 مايو 2010, 09:31
النوع: انثى
الحاله الاجتماعيه: غير متزوج
الحاله الوظيفيه: صاحب عمل
انا حاليا: متفائل
مكان: مصر

Re: أرجوكم ساعدونى بكل ما لديكم من......؟

مشاركة بواسطة همس السما »

أولا ألف مبروك وعقبالك ان شاء الله
بالنسبة لسؤالك الأول المتعلق بفستان أختك الصغيرة
لو الفستان سواريه يبقى مش يفضل تلبس تحته بنطلون كارينا لكن لو كاجوال ( فيست )ممكن تلبس البنطلون الكارينا بحيث يكون البوت طويل بس مش واصل للركبة طبعا
والطرح اللى تلبسها لو لون الفستان موف غامق يبقى هتلبس طرحة لونها درجته أفتح من الفستان مع طرحة تانية لونها نفس درجة لون الفستان وطبعا يكون اسبانيش بسيط يناسب سنها

بالنسبة ليكى لو الفستان من فوق تيركواز هيكون البادى لونه نفس لون التل والعكس لو ذهبى من فوق هيكون البادى تيركواز
وأنا شايفة ان الوردة كفاية تلبسيها من غير اكسسوار
وممكن الاكسسوار يكون فى ايديكى زى خاتم فيه حجر لونه فيروزى ونفس الشئ لو اسورة أو اكسسوار لإيديكى على حسب ذوقك
بالنسبة للطرح أكيد هيكون فيها تيركواز وطرحة تانية لونها قريب لدرجة الذهبى بس مش الذهبى نفسه علشان ميبقاش مبالغ فى اللون ... عندك درجات الذهبى الهادية هتكون حلوة مع التيركواز ... واكيد هتكون اسبانيش علشان الوردة اللى على الرقبة تبقى واضحة

بالنسبة للعروسة للفة طرحتها
أفضل شئ هو اللى يختاره ليها الكوافير ويفضل ان الحلق مش يبقى ظاهر لأن طرحة العروسة المحجبة دائما بيكون عليها اكسسوريز
كتير وهيغنى عن الحلق
وطبعا لو البادى سواريه وعليه شغل هيكون أفضل
يارب أكون قدرت أفيدك ولو فى أى استفسار يا ريت تقولى احنا كلنا اخواتك
وربنا يتمم على خير ... وعقبالك يا جميل
s1a2r3a4h5
محجبه جديده
محجبه جديده
مشاركات: 14
اشترك في: 21 يونيو 2008, 19:01
النوع: انثى

Re: أرجوكم ساعدونى بكل ما لديكم من......؟

مشاركة بواسطة s1a2r3a4h5 »

شكرا خالص على ردك يا همس السما بس فستان اختى الصغيرة واصل لحد الركبة والمشكلة ان الفستان عاجبها وبابا عاوزها تكون محجبة عشان كدة انا عاوزة مقترحات بشكل اوضح وشكرا مرة تانية على حسن ردك وتعاونك معايا...........وأتمنى المزيـــــــــد ؟؟
همس السما
مراقب عام
مراقب عام
مشاركات: 4282
اشترك في: 13 مايو 2010, 09:31
النوع: انثى
الحاله الاجتماعيه: غير متزوج
الحاله الوظيفيه: صاحب عمل
انا حاليا: متفائل
مكان: مصر

Re: أرجوكم ساعدونى بكل ما لديكم من......؟

مشاركة بواسطة همس السما »

الشكر لله يا جميل
بس المشكلة ان الفستان قصير وانا شايفة ان مش من المناسب لبس بوت وبنطلون تحت فستان سواريه ...دة شئ مفروغ منه مش هيبقى حلو خالص
هى ممكن تبدل الفستان وتختار موديل يناسب الحجاب أو تحاولوا تقنعوا والدكم
وأعتذر لو ماعرفتش أفيدك فى الجزئية دى بس ممكن أقترح أى اقتراح وخلاص وانا حابة أكون صادقة معاكى
ودى وجهة نظرى
وأكيد لو فى أى اقتراح آخر ممكن العضوات هنا يساعدوكى
s1a2r3a4h5
محجبه جديده
محجبه جديده
مشاركات: 14
اشترك في: 21 يونيو 2008, 19:01
النوع: انثى

Re: أرجوكم ساعدونى بكل ما لديكم من......؟

مشاركة بواسطة s1a2r3a4h5 »

شكرا خالص يا همس السما على حسن تعاونك معايا ؟ بس انا فكرت فى حاجة بعد ما قرأت ردك هذا انى اخلى أختى تعمل بروفة مع نفسها و تجرب تلبس الفستان مع البوط و تشوف شكلهم هيبقى ايه ؟اذا اقتنعت كان بها و اذا ما اقتنعتش يبقى تروح تبدل الفستان بفستان آخر طويل
أرجوكى يا همس ممكن بس تنبهى زملائك من الاعضاء على موضوعى هذا عشان يساعدونى بآرائهم المختلفة و مقترحاتهم...؟
و شكرا مرة تانية يا همس..!!
samira malki
مراقب عام
مراقب عام
مشاركات: 4678
اشترك في: 20 إبريل 2010, 01:16
النوع: انثى
الحاله الاجتماعيه: غير متزوج
الحاله الوظيفيه: موظفه في عمل خاص
انا حاليا: متفائل
مكان: المغرب

Re: أرجوكم ساعدونى بكل ما لديكم من......؟

مشاركة بواسطة samira malki »


اهلا بيك يا s1a2r3a4h5 شرفتينا
انا شايفة ان اختك لو بالامكان تغير الفستان الطويل احسن
اولا لان في السواريهات الافضل تكون طويلة بتدي طول وجمال وبكون اكتر مناسبة للسهرات وفي نفس الوقت بكون مناسب للحجاب وكده ترضي ربك اولا وابوك وتكون كمان في اجمل صورة
وزي م قالت همس انا لا احبذ فكرة الفستان القصير مع البوت وبنطلون في مناسبة زي ده وعموما الراي الول والاخير لاختك طبعا
صورة
اللهم اغفر لوالدي وارحمه
أضف رد جديد

العودة إلى ”قسم طلبات العضوات“