صفحة 1 من 1

ممكن مساعدتكم يا بنوتات

مرسل: 21 أغسطس 2012, 06:45
بواسطة Gege Esam
بصوا بقى يابنات اولا كل سنه وانتوا طيبين يارب طبعا انتوا عارفين ان فتره الاعياد دي بتكون كلها افراح عقبالنا كلنا ان شاء الله
المهم يعني هدخل في الموضوع على طول
انا عندي فرح كمان شهر ونص كده تقريبا هو في مكان شيك جدا وانا كنت محتاره ومش عارفه اجيب ايه فقمت اشتريت قماش ستان لونه فيروزي بس مش عارفه الاقي موديل حلو يليق مع جسمي
بصوا انا مش طويله اوي يعني ورفيعه بس جسمي من تحت مليان شويه عن من فوق
فلو ممكن تساعدوني بكام موديل كده يليق مع شكل جسمي اختار من بينهم
متشكره ليكم اوي

Re: ممكن مساعدتكم يا بنوتات

مرسل: 21 أغسطس 2012, 07:25
بواسطة همس السما
كل سنة وانتى طيبة يا قمر , وألف مبروووووك عقبال كل البنات
انا شايفة انك تعملى فستان حمال رفيع ومن تحت الصدر بشوية لغاية الوسط يكون عليه حزام عريض أو يكون مطرز بنفس الحجم دة وتلبسى عليه بوليرو قصير هيكون شيك أوووى وهيعطى لك شكل حلو مش هيرفعك
وان شاء الله اشوف ليكى كام موديل تاخدى منهم فكرة برضه
وخدى لفة فى قسم ملابس وفساتين السهرة للمحجبات أكيد هتعجبك حاجة أو تاخدى فكرة تقدرى تنفذيها
viewforum.php?f=15

Re: ممكن مساعدتكم يا بنوتات

مرسل: 22 أغسطس 2012, 19:55
بواسطة Gege Esam
متشكرة اوي يا همس ربنا يخليكي يارب
(*&) (*&) (*&)
طيب ايه رايك انا اشتريت قماش ستان لونه فيروزي وبفكر ان التطريز يكون لونه ذهبي
ايه رايكوا؟؟؟

Re: ممكن مساعدتكم يا بنوتات

مرسل: 22 أغسطس 2012, 20:06
بواسطة همس السما
ربنا يخليكى حبيبتى
أنا من رأى لو التطريز يكون سيلفر"الفضى" يكون اشيك
وان شاء الله تبقى زى القمر

Re: ممكن مساعدتكم يا بنوتات

مرسل: 22 أغسطس 2012, 20:33
بواسطة Gege Esam
متشكره مره تانيه يا همس

Re: ممكن مساعدتكم يا بنوتات

مرسل: 22 أغسطس 2012, 21:24
بواسطة همس السما
اتفضلى يا جميل حضرت لك الموديلات دى ان شاء الله تفيدك وتاخدى منها فكرة
دوسى ع الرابط دة
viewtopic.php?f=15&t=19263

Re: ممكن مساعدتكم يا بنوتات

مرسل: 23 سبتمبر 2012, 11:28
بواسطة Gege Esam
السلام عليكم
انا عارفه اني كده بتقل عليكم بس اعذروني والله بجد محتاره
انا عملت الفستان فعلا زي ماتفقنا فيروزي والتطريز بتاعه سيلفر
المشكله كلها بقى تكمن في الطرحه
انا بكره اللفه الاسبنش مش بحبها عليا خالص مش بتكون حلوه على وشي اصلا
فطبعا هلف الطرحه لفه عاديه
الازمه اللي بتواجهني بقى اني عايزه اجيب طرحه نفس درجه الفستان وهطرزها من الطرف زي الفستان بس مش عارفه الخامه بتاعتها المفروض تكون ايه
انا جربت الطرح الستان بس بتكون تقيله اوي وتقريبا مش بكون سامعه اي حاجه
فياريت بعد اذنكم انصحوني اجيب ايه؟؟؟
وجزاكم الله كل خير يارب

Re: ممكن مساعدتكم يا بنوتات

مرسل: 23 سبتمبر 2012, 13:06
بواسطة همس السما
Gege Esam كتب:السلام عليكم
انا عارفه اني كده بتقل عليكم بس اعذروني والله بجد محتاره
انا عملت الفستان فعلا زي ماتفقنا فيروزي والتطريز بتاعه سيلفر
المشكله كلها بقى تكمن في الطرحه
انا بكره اللفه الاسبنش مش بحبها عليا خالص مش بتكون حلوه على وشي اصلا
فطبعا هلف الطرحه لفه عاديه
الازمه اللي بتواجهني بقى اني عايزه اجيب طرحه نفس درجه الفستان وهطرزها من الطرف زي الفستان بس مش عارفه الخامه بتاعتها المفروض تكون ايه
انا جربت الطرح الستان بس بتكون تقيله اوي وتقريبا مش بكون سامعه اي حاجه
فياريت بعد اذنكم انصحوني اجيب ايه؟؟؟
وجزاكم الله كل خير يارب
نورتى حبيبتى
احنا هنا اخواتك تسألينا فى أى وقت يا قمر كلنا فى مساعدتك
انا شايفة ان بلاش تعملى الطرحة نفس درجة الفستان مش هتبقى حلوة أوى زى ماتكون درجة افتح أو تكون ماشية أكتر معاه
انتظرينى هقدم لك موضوع ان شاء الله يفيدك فى الاختيار

Re: ممكن مساعدتكم يا بنوتات

مرسل: 23 سبتمبر 2012, 18:42
بواسطة Gege Esam
اشكرك يا همس ربنا يكرمك يارب
انا فعلا مش كنت ناويه اجيب نفس الدرجه اوي اوي يعني
بس يعني زي ماقولتلك انا مش هعمل اسبانش فكنت محتاره في خامه قماش الطرحه

Re: ممكن مساعدتكم يا بنوتات

مرسل: 24 سبتمبر 2012, 14:20
بواسطة همس السما
انا جيبت لك موضوع ان شاء الله تقدرى تستفيدى من النصائح اللى فيه ويساعدك على اختيار اللون المناسب
وعلى فكرة ممكن تعملى نفس اللونين اللى فى الصورة مش لازم اسبانيش ممكن لفة عادية وممكن بدل اللون الروز يبقى الفضى التل هيكون شيك ومناسب للسهرة ومش لازم أبدا تبقا ستان حاولى تشوفى طرحة مناسبة للسهرة أو درجة الفيروزى العادى أو تشوفى قماش وتعمليه يكون مناسب للطرح وتعملى معاها التل دة هيبقى حلو والدبابيس ممكن تكون فيها ألماظ أو وردات اكسسوار هتكون بسيطة وشيك
اتفضلى الموضوع من خلال الرابط التالى
viewtopic.php?f=23&t=19470&p=83336#p83336