حلقات برنامج (رحله للسعاده ) لــ د.عمرو خالد

[رغدة]

الحلقه الخامسه والعشرون

ميديا فير

http://www.mediafire.com/?sj2285n13f59wif

ميجا ابلود

http://www.megaupload.com/?d=ZCOWVL0Y

رابيد شير

http://rapidshare.com/files/417033930/R ... .Ep25.rmvb

ارشيف

http://www.archive.org/download/re7lt25 ... .Ep25.rmvb




حلقة ذكر الله




عبادة من اسهل العبادات .. لاتكلف وقتاً ولا مجهوداً ..أحب العبادات الى الله .. ثوابها عجيب .
عبادة وصفها الله لنا مخصوص للسعادة .. وذكرها لنا مرتبطة بأنها تحدث السعادة .
تدخل على القلب مباشرة .
أسهل حلقة على قلبى .. هدية منى لكم .. عبادة ذكر الله تعالى ..
غير مرتبطة بوقت معين كباقى العبادات .. الصوم – الصلاة – الزكاة .. ولا بهيئة معينة كرفع اليدين فى الدعاء او وضوء .. ولا بمكان معين .. الحج والعمرة .. المسجد
تؤديها وانت سايق بوضوء ومن غير وضوء ..وانت نايم .. فى المطبخ .. لاتشغل وقت اضافى .
في الزحام والطوابير .. سكينة عجيبة .
بوضوء وغير وضوء .. المرأة مهما كان وضعها .
تؤديها فى أوقات فراغك ومع ذلك لها ثواب عظيم واكبر تثبيت لقلبك ((الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ ((الرعد:28 عمرك جربتها عند الشدة او الخوف او الجزع او المصيبة او انتظار خبر او الهم والغم والضيق او القلق ... هى علاج كل ده .. الذكر دواء بلا كيماويات بل بثواب .
ثوابها وفضلها ..
(( فَاذْكُرُونِي أَذْكُرْكُمْ )) البقرة:152 قل لا اله الا الله .
(( يقول الله تعالى: أنا عند ظن عبدي بي، وأنا معه إذا ذكرني، فإن ذكرني في نفسه ذكرته في نفسي، وإن ذكرني في ملأ ذكرته في ملأ خير منهم )) متفق عليه.
(( وَاذْكُر رَّبَّكَ فِي نَفْسِكَ تَضَرُّعاً وَخِيفَةً وَدُونَ الْجَهْرِ مِنَ الْقَوْلِ بِالْغُدُوِّ وَالآصَالِ وَلاَ تَكُن مِّنَ الْغَافِلِينَ )) الأعراف:205
(( وَمَنْ يَعْشُ عَنْ ذِكْرِ الرَّحْمَنِ نُقَيِّضْ لَهُ شَيْطَانًا فَهُوَ لَهُ قَرِينٌ )) الزخرف:36
((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا )) طه 124
( ياأيها الذين آمنوا لا تلهكم أموالكم ولا أولادكم عن ذكر الله ومن يفعل ذلك فأولئك هم الخاسرون ) المنافقون : 9
كل العبادات ختامها ذكر ..الحج ..(( فَإِذَا قَضَيْتُمْ مَنَاسِكَكُمْ فَاذْكُرُوا اللَّهَ كَذِكْرِكُمْ آبَاءَكُمْ أَوْ أَشَدَّ ذِكْراً )) البقرة آية 200.
الصلاة ..(( فَإِذَا قَضَيْتُمْ الصَّلَاةَ فَاذْكُرُوا اللَّهَ قِيَامًا وَقُعُودًا وَعَلَى جُنُوبِكُمْ) النساء103
صلاة الجمعة .. ((فَإِذَا قُضِيَتْ الصَّلَاةُ فَانتَشِرُوا فِي الْأَرْضِ وَابْتَغُوا مِنْ فَضْلِ اللَّهِ وَاذْكُرُوا اللَّهَ كَثِيرًا لَعَلَّكُمْ تُفْلِحُونَ) الجمعة10
بل جعله الله هو هدف الصلاة .. {‏إِنَّنِي أَنَا اللَّهُ لا إِلَهَ إِلَّا أَنَا فَاعْبُدْنِي وَأَقِمِ الصَّلاةَ لِذِكْرِي‏}. طه. 14فالصلاة كلها ذكر: القراءة ذكر، والركوع ذكر والسجود ذكر والتشهد ذكر..
شرط التأثير فى القلب ..أن يكون كثيراً .. حتى يدخل على كل خلية من خلايا جسدك يطمئنها ويهديها ويمدها بالرحمة والقوة .
ليس مرة ولا اتنين ... كتير على قد ماتقدر طول ما انا فى السيارة .. ممتاز – طول ما انا فى المطبخ .. ممتاز – طول ما انا رايح الكلية . ممتاز
)) وَالذَّاكِرِينَ اللَّهَ كَثِيراً وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْراً عَظِيماً ((الأحزاب:35،
)) يَا أَيُّهَا الَّذِينَ آمَنُوا اذْكُرُوا اللَّهَ ذِكْراً كَثِيراً (*) وَسَبِّحُوهُ بُكْرَةً وَأَصِيلاً((الأحزاب:42،41
(( لقد كان لكم في رسول الله أسوة حسنة لمن كان يرجو الله واليوم الآخر وذكر الله كثيرا (( الأحزاب 21
((الَّذِينَ يَذْكُرُونَ اللَّهَ قِيَامًا وَقُعُودًا وَعَلَى جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالْأَرْضِ رَبَّنَا مَا خَلَقْتَ هَذَا بَاطِلًا سُبْحَانَكَ فَقِنَا عَذَابَ النَّارِ)). آل عمران 191.
لما وصف المنافقين ((إِنَّ الْمُنَافِقِينَ يُخَادِعُونَ اللَّهَ وَهُوَ خَادِعُهُمْ وَإِذَا قَامُوا إِلَى الصَّلَاةِ قَامُوا كُسَالَى يُرَاءُونَ النَّاسَ وَلَا يَذْكُرُونَ اللَّهَ إِلَّا قَلِيلًا)) النساء142
سيدنا موسى أدرك ذلك .. ((قَالَ رَبِّ اشْرَحْ لِي صَدْرِي (*) وَيَسِّرْ لِي أَمْرِي (*) وَاحْلُلْ عُقْدَةً مِنْ لِسَانِي (*) يَفْقَهُوا قَوْلِي (*) وَاجْعَلْ لِي وَزِيرًا مِنْ أَهْلِي (*) هَارُونَ أَخِي (*) اشْدُدْ بِهِ أَزْرِي (*) وَأَشْرِكْهُ فِي أَمْرِي (*) كَيْ نُسَبِّحَكَ كَثِيرًا (*) وَنَذْكُرَكَ كَثِيرًا (*) إِنَّكَ كُنْتَ بِنَا بَصِيرًا (*) طه 25-35
أحاديث النبي
وعن أبي موسى الأشعري عن النبي قال: ( مثل الذي يذكر ربه والذي لا يذكره مثل الحيّ والميت (رواه البخاري.
(("مثل البيت الذي يذكر فيه الله والبيت الذي لا يذكر فيه الله كمثل الحى والميت")) البخارى
وعن عبدالله بن بُسْر أن رجلاً قال: يا رسول الله، إن شرائع الإسلام قد كثرت عليّ، فأخبرني بشيء أتشبّث به، قال ) لا يزال لسانك رطباً من ذكر الله( رواه الترمذي وقال: حديث حسن.
وعن معاذ بن جبل قال: سألت رسول الله : أي الأعمال أحب إلى الله؟ قال: ( أن تموت ولسانك رطب من ذكر الله (رواه ابن حبان في صحيحه، وهو حديث حسن بشواهده.
وعن أبي الدرداء قال: قال رسول الله : ( ألا أنبئكم بخير أعمالكم، وأزكاها عند مليككم، وأرفعها في درجاتكم، وخير لكم من انفاق الذهب والفضة. وخير لكم من أن تلقوا عدوكم فتضربوا أعناقهم ويضربوا أعناقكم؟ } قالوا: بلى، قال: ( ذكر الله تعالى) [رواه الترمذي،
(( لايقعد قوم يذكرون الله عزوجل إلا حفتهم الملائكة وغشيتهم الرحمة وتنزلت عليهم السكينة وذكرهم الله فيمن عنده)).مسلم
خرج النبي صلى الله عليه وسلم على أصحابه يوما مسرعا فقال: ما أجلسكم؟. فقالوا: جلسنا نذكر الله يا رسول الله. قال: الله ما أجلسكم إلا هذا؟ .. قالوا: أ الله ما أجلسنا إلا هذا. فقال النبى صلى الله عليه وسلم: إنى لم أسألكم تهمة لكم ولكن بلغنى أن الله يباهى بكم ملائكته.)) مسلم
(( عبدى كل عبدى الذى يذكرنى حين يلقى قرنة ))
عن أبي هريرة قال: قال رسول الله : ( سبق المفردون ) قالوا: وما المفردون يا رسول الله؟ قال: ( الذاكرون الله كثيراً والذاكرات [رواه مسلم.
يقول الله تعالى: "أنا مع عبدي ما ذكرني وتحركت بي شفتاه" اخرجة بن ماجه
وروي أن أبا هريرة رضي الله عنه خرج الى السوق ذات مرة فقال: يا معشر التجار، هلموا الى الى المسجد، فان ميراث رسول الله يوزع هناك، فأسرع التجار الى المسجد فلم يجدوا شيئا، فقالوا: دخلنا المسجد فما وجدنا شيئا!! فقال رضي الله عنه: فماذا وجدتم؟! قالوا: وجدنا ناسا يذكرون الله تعالى، قال: فذلك ميراث رسول الله صلى الله عليه وسلم!! .. ليست دعوه لترك الدنيا .
وروي في الأثر أن سيدنا سليمان عليه السلام مر بموكبه وجنوده ورجاله ذات يوم على فلاح بسيط يحرث في أرضه، فقال ذلك الفلاح: لقد صار ملك آل داود عظيما! فنظر اليه سيدنا سليمان عليه السلام وقال: والله، لتسبيحة في صحيفة المؤمن خير مما أعطي سليمان وأهله، فإن ما أعطي سليمان يزول والتسبيحة تبقى!!.

أنواع الذكر
1- الاستغفار : يقول تعالى حاكيا عن نوح عليه السلام مخاطبا قومه:{ فقلت استغفروا ربكم انه كان غفارا* يرسل السماء عليكم مدرارا* ويمدكم بأموال وبنين ويجعل لكم جنات ويجعل لكم أنهارا} نوح 10-12..
ويقول صلى الله عليه وسلم: من لزم الاستغفار جعل الله له من كل ضيق مخرجا ومن كل هم فرجا ورزقه من حيث لا يحتسب. رواه أبو داود 1518 وابن ماجه 3819.
وروي ان النبي صلى الله عليه وسلم كان يستغفر في اليوم مائة مرة، وفي بعض الروايات أكثر من سبعين مرة.. والمائة استغفار لا تستغرق أكثر من دقيقتين على الأكثر.. وجاء في الأثر: طوبى لمن وجد في صحيفته استغفارا كثيرا.
2- سبحان الله ...ومعنى التسبيح التنزيه.. أي تنزيه الله تعالى عن كل نقص، ووصفه سبحانه بكل كمال يليق به جل جلاله.. ولهذا فإنه عند التسبيح ينبغي أن يعمل المسبح فكره في خلق الله تعالى في السموات والأرض.. وللتسبيح ثواب عظيم وفضل كبير.
يقول النبي صلى الله عليه وسلم: أيعجز أحدكم أن يكسب كل يوم ألف حسنة:{ قال الصحابة: كيف ذلك يا رسول الله؟! قال: يسبّح مائة تسبيحة، فيكتب له بها ألف حسنة أو يكفر عنه بها ألف سيئة رواه مسلم 6792.. فهل يمكن أن يبخل مسلم بدقيقتين من وقته مقابل ألف حسنة؟!.
3- سبحان الله وبحمده ..ولكن ما فائدتها؟! يقول صلى الله عليه وسلم: من قال سبحان الله وبحمده مائة مرة غفرت ذنوبه وأن كانت مثل زبد البحر رواه البخاري 3293 ومسلم 6783.. وزبد البحر هو الريم الأبيض الذي يكون على وجه الماء عند الموج.. تخيّل لو أنك واقف على شاطئ البحر وأبصرت هذا الزبد الكثير وتخيّلت أن ذنوبك كثيرة مثل هذا الزبد، فالعم أن الله سيغفرها لك بمنّه وفضله وجوده بقولك مائة مرة فقط : سبحان الله وبحمده.. فيدخل أحدنا الجنة في مقابل دقيقتين أو ثلاثة سبح الله فيها مائة مرة!!

4- سبحان الله وبحمد سبحان الله العظيم ..يقول النبي صلى الله عليه وسلم: كلمتان خفيفتان على اللسان ثقيلتان في الميزان، حبيبتان الى الرحمن: سبحان الله العظيم وبحمده، سبحان الله العظيم رواه البخاري 6406 ومسلم 6786.. فلنحرص على اثقال موازين حسناتنا يوم القيامة بهذا الذكر العظيم..
وروي أنه يأتي الرجل العظيم السمين يوم القيامة فتطيش كفة حسناته وترجح عليها كفة سيئاته، فيلقي بنفسه على كفة الحسنات لتثقلن ولكن لا يجدي معه شيئا ولا يزن هذا الرجل عند الله جناح بعوضة.. ثم قرأ النبي صلى الله عليه وسلم قوله تعالى:{ فلا نقيم لهم يوم القيامة وزنا} الكهف 105.. وهاتان الكلمتان يحبهما ربنا جل وعلا، افتبخل بقول ذكر يحبه الله تعالى؟!

5- الحمد لله ... الحمدلله تملأ الميزان ... من قال الحمدلله أحدث الله له نعمة جديدة .
6- لا اله إلا الله: أي لا معبود بحق إلا الله، ولهذا فلا ينبغي أن يكون في قلب العبد أعز ولا أحب ولا أفضل من الله تعالى، لا هواه، ولا نفسه، ولا ولده، ولا زوجه، ولا أهله، ولا أي شيء.. هذا هو النبي صلى الله عليه وسلم يقول: جددوا ايمانكم بـ لا اله الا الله رواه الإمام أحمد 5\239.. الذي يشتكي من قسوة قلبه وقلة دمعه وجمود عينه، عليه أن يجدد ايمانه بكلمة التوحيد: لا اله الا الله.. إن الايمان يبلى ويخلق كما يبلى الثوب ويخلق، ولا تجديد لهذا الايمان الا بذكر الله، وبالأخص بذكر كلمة التوحيد: لا اله الا الله محمد رسول الله.


7- لااله الا الله وحده لاشريك له له الملك وله الحمد... يقول النبي صلى الله عليه وسلم: من قال لا اله الا الله وحده لا شريك له، له الملك وله الحمد وهو على كل شيء قدير في يوم مائة مرة كتبت له مائة حسنة ومحيت عنه مائة سيئة وكانت له حرزا من الشيطان يوم ذلك حتى يمسي، ولم يأت أحد بأفضل مما أتى به الا رجل قال مثل ما قال أو زاد رواه البخاري 3293 ومسلم 6783.
8- سبحان الله والحمد لله ولا اله إلا الله .. ( ألا أدلك على غراس هو خير من هذا تقول سبحان الله والحمد لله ولا إله إلا الله والله أكبر يغرس لك بكل كلمة منها شجرة في الجنة)) صحيح الجامع
9- لاحول ولا قوة الا بالله .. يقول النبي صلى الله عليه وسلم: لا حول ولا قوة الا بالله كنز من كنوز الجنة رواه البخاري 4205 ومسلم 6808. ومعاني الحوقلة: اي لا حيلة ولا قوة ولا شيء ينفع أو يضر في هذا الكون سوى الله تبارك وتعالى.
10-حسبي الله ونعم الوكيل وكلتك ..أي أن الله كافيني وهو وحده نعم الوكيل، وخير من يقوم على أمري.. فلو ظلمك أحد عليك بهذا الدعاء، فقد قاله الخليل ابراهيم حين القي في النار، وقاله النبي صلى الله عليه وسلم في غزوة (حمراء الأسد) حينما قال لهم الناس ( أي للمسلمين) ان الناس قد جمعوا لكم فاخشوهم فقالوا: حسبنا الله ونعم الوكيل.. فكفاهم الله شرّ عدوّهم، وحفظهم بفضله وجوده سبحانه وتعالى.
10 أذكار .. كل ده كام وقت 1/2 ساعة فى وقت الفراغ او وقت مستقطع .
يعينك ...أهمية السبحة ..ضعها فى مكان واضح فى العربية سبحة 100حبة
لايمنعك من النجاح رايح الشغل وماسك سبحة .. غلط ..مافيش أكثر من الزحمة
أيهما افضل القلب أم اللسان ام اللسان والقلب
فوائد الذكر ..ابن القيم الوابل الصيب ..100فائدة بآيات واحاديث .
نذكر منها بعضها في عجالة:
يقول تعالى:{ ولذكر الله أكبر} العنكبوت 45، فالذكر يطرد الشيطان..
يزيل الهم والغم والكآبة والضيق عن الصدر ويجلب الفرح والسرور والاطمئنان والسكينة.
يقول تعالى:{ الذين امنوا وتطمئن قلوبهم بذكر الله ألا بذكر الله تطمئن القلوب} الرعد28.
ينير الوجه والقلب ويكسو صاحبه مهابة وجلالا.
يقوي البدن.. وقد أخبر النبي صلى الله عليه وسلم عليا وفاطمة رضي الله عنهما أن التسبيح 33 مرة والتحميد 33 مرة والتكبير 34 أفضل من خادم.
الذكر هو غذاء القلب وقوته.. يقول ابن القيم: دخلت مرة على أستاذي ابن تيمية رحمه الله فقال لي: الذكر للقلب كالماء للمسك.. ويقول: دخلت عليه مرة بعد صلاة الفجر فوجدته يذكر الله فتركته وعدت بعد ساعة فوجدته يذكر الله.. فعلت ذلك عدة مرات، وظل يذكر الله حتى انتصف النهار، فنظرت اليه متعجبا فقال: هذه غدوتي، ولو لم أتغدّ لسقطت قوتي.
الذكر أمان من النفاق؛ لأن المنافقين لا يذكرون الله الا قليلا.
الذكر يزيل قسوة القلب. جاء رجل الى الحسن البصري رحمه اله فقال: أجد في قلبي قسوة، قال: أذبها بذكر الله..
الذكر يشغل اللسان عن الغيبة والنميمة والكذب وسائر آفات اللسان..
الذكر يجلب الرزق.

الذكر يفرج الكربة، خاصة اذا كان العبد يذكر ربه في السراء.. ولهذا فان سيدنا يونس لما التقمه الحوت قال ربنا عز وجل:{ فلولا أنه كان من المسبحين* للبث في بطنه الى يوم يبعثون} الصافات 143-144.. أي أنه كان يذكر ربه في السراء، حتى أن الملائكة قالت: يا رب صوت معروف من عبد معروف.
من ذكر الله ذكره. قال تعالى:{ فاذكروني أذكركم} البقرة 152. ولو لم يكن في فوائد الذكر سوى هذه لكفت.
الذكر مع البكاء سبب للاحتماء بظل الله يوم لا ظل الا ظله. قال صلى الله عليه وسلم في السبعة: ورجل ذكر الله خاليا ففاضت عيناه رواه البخاري 660 ومسلم 2377 والترمذي 2391 والامام أحمد 2\439.
من فوائد الذكر التعرف على الله تعالى وحبه، لأن من ذكر الله أحبه الله تعالى.
الذكر باب الاحسان.. وأن يعبد لمرء ربه كأنه يراه..
الذكر علاج لقسوة القلب. ولذلك قال الشاعر:
اذا مرضنا تداوينا بذكركم فنترك الذكر أحيانا فتقسو
ذكر الله يلهم العبد الشهادة عند الموت.. لان الشهادة عند الموت شيء ليس سهلا.. فالكلمات تهرب من على اللسان، لذا يقول تعالى:{ يثبت الله الذين ءامنوا بالقول الثابت في الحياة الدنيا وفي الآخرة} ابراهيم 27 قيل: أي عند الموت وعند الحساب.

ومعلوم ان من يشغل بشيء في حياته يموت عليه.. ومثال ذلك أن الذي يفتن بالدنيا وينشغل بها قد يهذي بها في موته.. وقد كان أحد التجار مشغولا جدا بتجارته ولما مات بدأ الناس يلقونه الشهادة: فيقول: أعطني الحقيبة، فيقولون لا اله الا الله، فيقول: يا أخي قلت لك هات الحقيبة.. ولما أفاق قال: كنت أجدها _يعني الشهادة _ ثقيلة على لساني!!
فهل يتمنى أحد منكم أن يوضع في هذا الموضع الصعب.

[رغدة]

الحلقه السادسه والعشرون

ميديا فير

http://www.mediafire.com/?1gw79hwwj4qfu36

ميجا ابلود

http://www.megaupload.com/?d=1J964EQP

رابيد شير

http://rapidshare.com/files/417250540/R ... .Ep26.rmvb

ارشيف

http://www.archive.org/download/re7lt26 ... .Ep26.rmvb




حلقة السلام النفسي



كلنا يبحث عن السعادة ، نفسنا فيها وهي أساس ومحور كل تصرفاتنا وحركتنا في الحياة .. بس السعادة لها أسرار :
السعادة مش شئ مادي .. لا يباع في الأسواق ولا يشترى بالفلوس ..
لايمكن تروح مول في أي مكان في العالم تشتري السعادة بألف ولا مليون ولا مليار جنيه أو ريال أو دولار
لا يمكن تخطفه من حد سعيد علشان يكون ملكك أنت بداله ..
لا يمكن تقيسه أوزن لي 2 كيلو سعادة يكفوني شهر ...
ولا يمكن تحسبه بالورقة والقلم .. تبص في رصيدك في البنك فتعرف درجة سعادتك .. مافيش وريني تملك كام أقولك أنت سعيد قد إيه.
السعادة شيء معنوي لا يرى بالعين ولا يقاس بالكم ..
السعادة شيء يشعر به الإنسان في داخله .. صفاء نفس .. طمأنينة قلب .. انشراح صدر .. راحة ضمير .. بس طبعاً لها أسباب .
اليوم إضاءة جديدة للسعادة .. نور جديد من رسول الله .. من القرآن من الله.
نور ابدؤة بدعاء النبي صلى الله علية وسلم بعد كل صلاة (( اللهم أنت السلام ومنك السلام تباركت ياذا الجلال والإكرام )) وفى رواية (( واليك يعود السلام ، حينا ربنا بـ السلام )) .
اليوم .. صالح نفسك .. سالم نفسك .. السلام النفسي .. يعني لا تدور بعيد ... لا تروح بعيد تبحث عن السعادة ..فقط داخلك .. سالم نفسك ..
هل أنت متصالح مع نفسك .. في سلام مع نفسك ولا صراع .. أحلى سعادة في الدنيا لما تصالح نفسك وتسالمها .. (( اللهم أنت السلام ومنك السلام تباركت ياذا الجلال والإكرام ))
فيه ناس متخانقة مع نفسها .. صراع رهيب .. عارفين مباريات في المصارعة بيعملوا في بعض إيه .. أهو في ناس في داخلها ومع نفسها مبارة مصارعة .. عارف لما تشوف واحد وشه مورم من الضرب .. أهو فيه ناس من الصراع الداخلي عاملين كده .. بس من جوه مش من بره ..
صراع من تعارض الرغبات بين الصح والغلط .. بين الحلال والحرام ..عايز أكون متدين بس معاصي وخيانة وذنوب " صراع "
عايز أكون ناجح متفوق بس شلة سوء وشرب وعدم مذاكرة وفشل " صراع "
عايزة أكون بارة بأبي وأمي بس بحب واحد متجوزه عرفى من وراهم " صراع "
تنازع الرغبات بين الصح والغلط وأنت مش جدع لاتحسم .. ضعيف .. ولا تتوب من خطا .. يحولك جوة صراع كأنك ماسك سكينة تقطع وتخزق في الحبال اللي شده استقرار نفسك .
في ناس جواه حرب عالمية من تنازع الرغبات ضد الحق والصح والخير والحلال .
من الأخر أنت بدون سلام نفسي في قمة التعاسة ... ياسلام يارسول الله بعد كل صلاة .. عودة السلام 5مرات (( اللهم أنت السلام ومنك السلام تباركت ياذا الجلال والإكرام ))
لو نفسك تعيش سعيد جاوب هذا السؤال .. هل أنت في سلام مع نفسك .. مصالحها .. منسجم معها .
ياترى كام حاجه متخانق مع نفسك فيها .. كام نوع من الذنوب والمعاصي .. بنات – كدب – رشوة – غش .. كام قيمة خير بتحبها بس بتعمل عكسها ... كام مرة عايز تتوب من كبيرة ولا تفعل .
تعطى نفسك كام من عشرة في السلام النفسي .. ستجد استقصاء على عمرو خالد . نت
ولان السلام النفسي هو فرشة السعادة فى نفسك .. أرضية السعادة داخل النفس .. الإسلام والقرآن والرسول مهتم بيه أوى ويعلمهولك أوى .
شوف قيمة هذا السلام النفسي في الإسلام .. لتعرف قيمة هذا السلام .. قيمة السلام النفسي في الإسلام كبيرة جدا ..
أصلاً كلمة الإسلام جذرها من كلمة سلم .. فمن ضمن معاني أنك مسلم أنك تعيش حالة سلام مع نفسك تمتد لمن حولك وتتسع الدائرة شيئا فشيئا لتشمل العالم كله .. يعني علي قدر سلامك الداخلي يفيض السلام من نفسك إلي الاخرين.
وتحية الإسلام السلام وليس Good Morning أو Good Evening أو Bonjour أو hello .. يعني اتمنى لك السلام .. أسمع أمر الله لنا (((فسلموا علي أنفسكم تحية من عند الله مباركة طيبة )) كيف يأمرنا بالسلام علي أنفسنا ؟ معناها تمنوا لأنفسكم وأدعوا لانفسكم بالسلام الداخلي .. ثم يقول ((تحية من عند الله)) أي تحية الله لنا .. ورضاه عنا بأن يمدنا بالسلام النفسي فهو يقول أدعو لأنفسكم بالسلام وعندها أحييكم وأمدكم به أنها مثل فكرة ((سمع الله لمن حمد ربنا ولك الحمد)).
وأنت تدعو لنفسك في كل صلاة في ختامها أن يرزقك الله السلام .. السلام علينا يعني ايه .. يارب ارزقني السلام النفسي .. السلام علينا .. والصلاة 5 مرات في اليوم مفتاح السلام النفسي وختمت بالتحيات وهي كلها سلام .. 8 مرات × 5 مرات في اليوم = 40 مرة .
التحيات لله .. السلام عليك أيها النبي .. السلام علينا وعلى عباد الله الصالحين .. ثم السلام عليكم ورحمة الله وبركاته مرتين .. ثم ختام الصلاة بعد السلام .. تقول اللهم أنت السلام ومنك السلام تبارك يا ذا الجلال والإكرام .. حينا ربنا بالسلام وأدخلنا دار السلام..
يعني أفكارنا وشعائرنا حتى ألفاظنا ومفرداتنا .. تذكرنا بالسلام الذي يبدأ من الداخل ليملا النفس أولاً ثم ليفيض على باقي الناس والمخلوقات والكون كله ..
وجعل الله السلام النفسي أعظم نعمة يعطيها لاحب عباده إليه .. الانبياء ..
أما خير الرسل النبي .. فأمرنا ربنا أن نعبر عن حبنا له بالصلاة والسلام عليه .. يعني ايه اللهم صلى وسلم على سيدنا محمد .. دعاء للنبي بكامل الرحمة والسلام .. يا أيها الذين آمنوا صلوا عليه وسلموا تسليما ..
بل يجعل صلاتك وسلامك عليه .. تجلب لنفسك السلام النفسي والرحمة .. ما من رجل يصلي ويسلم علي إلا ورد الله على روحي فأرد وعليه السلام .. من صلي علي صلاة صلى الله عليه به عشر ..
يعني سلامك علي النبي يجلب لنفسك السلام .. تخيل مجرد ذكر النبي يؤثر قد ايه علي سلامك النفسي فما بالك لو اتبعته حبيته ونفذت كلامه . فما بالك لو شفته يوم القيامة . فما بالك لو سقاك بيده الشريفة من حوض الكوثر .. فما بالك لو حضنك .. اي سلام نفسي سيحدث لك .
وسر سعادة الجنة السلام النفسي العظيم فيها .. سر سعادة الجنة هذا السلام الرباني الذي هو أعلى من القصور والحور العين .. فلم يسميها الله دار الحور العين ولا دار القصور ولكن سماها دار السلام لأنه ضمان السعادة .. لهم دار السلام عند ربهم .. والله يدعو إلي دار السلام .. سلام عليكم طبتم فادخلوها آمنين .. ادخلوها بسلام ذلك يوم الخلود .. دعواهم فيها سبحانك اللهم وتحيتهم فيها سلام.
وليلة القدر هي ليلة سلام .. سلام هي حتى مطلع الفجر .. ليلة يملأ فيها السلام الأرض فتتنزل الملائكة لتشهد أجمل حالة سلام نفسي في الكون علي كوكب الأرض.
ازي دين فيه كل المعاني ديه يقال عنه أنه دين قتل وارهاب وصراع .. حرام المعاني ديه لا يعرفها العالم ولذلك الواجب العملي اليوم في ورش العمل على موقع عمرو خالد.نت هو نشر هذه المعاني بعدة لغات.
سورة الصافات .. وتركنا عليه في الآخرين سلام علي نوح في العالمين .. سلام علي ابراهيم واحتاج سلام نفسي خاص عند الالقاء في النار .. قلنا يا نار كوني برداً وسلاماً علي ابراهيم .. سلام علي موسى وهارون .. يحيي وعيسى .. والسلام علي يوم ولدت ويوم أموت ويوم أبعث حياً .. وسلام عليه يوم ولد ويوم يموت ويوم يبعث حياً.
إبراهيم القي في النار وعيسى حاولوا قتلة وموسى أذوه بني إسرائيل ونوح 950 وشدة كلهم تعبوا فى حياتهم جداً ... فأين هذا السلام ؟؟
السلام النفسي داخل النفس تبقى الدنيا تتشال حوليك وتتهبد وأنت في سلام وهدوء 100% ازاى ؟؟
وسر حب الناس لنوح وإبراهيم عبر الأزمان والى اليوم هو هذا السلام الرباني ... لو أعطاك السلام مثلهم خلاص مش عايز حاجة .
ياه إيه كل ده ... هذا الدين لسعادتك لهناءك لسلامك (( طه ما أنزلنا عليك القرآن لتشقى ))
هل استفدت من كل الصلوات اللي صلتها في حياتك وكل سلامك على النفس .. هل انبتت سعادة ؟ ام مازلت تعيس لأنك مصر تنازع الصح اللي جواك .
هل أنت سعيد تعيش سلام نفسي أم محزن من الصراع ؟
لا سعادة إلا بسلام نفسي ..إنسان مستقر وإنسان مهزوز .
كيف أفقد سلامي النفسي ؟ كيف يضيع ؟ كيف يفقد الناس نور السعادة ؟ كيف تبدأ رحلة التعاسة والشقاء والألم ؟
عندما تبدأ تعمل حاجات عكس ما تؤمن به وأثر بين علية انه الحق والصح والخير والحلال .
لما تعمل عكس قناعاتك وقيمك وأخلاقك الأصلية .
لما تتناقض مع نفسك .
عندما تنازعك رغباتك ضد ما أنت مؤمن انه الحق والخير والصح والحلال .
- أنت بتكذب كنير .. فقدت سلامك (( الصدق طمأنينة والكذب ريبة )) رواه الترمذي
- أنت خايف لحد ظالم ليه .. فقدت سلامك .. ((الذين آمنوا ولم يلبسوا إيمانهم بظلم أولئك لهم الأمن وهم مهتدون)). (الأنعام: 82)
- أنت عمال تعمل كبيرة عايش بيها .. فقدت سلامك .. {وَمَنْ يُهِنِ اللَّهُ فَمَا لَهُ مِنْ مُكْرِمٍ} [الحج: 18]. (هانوا عليه فعصوه ولو عزوا عليه لعصمهم)
- أنت بتنافق حد عارف انه مش لمصلحتك .. فقدت سلامك النفسي {‏يحسبون كل صيحة عليهم ‏}‏ وصف المنافقين في القرآن
- أنت بتاكل حرام .. فقدت سلامك النفسي { ولا تعجبك أموالهم وأولادهم إنما يريد الله أن يعذبهم بها في الدنيا وتزهق أنفسهم وهم كافرون } (التوبة:85)
وتتعب اوى لما تحط دماغك على المخدة .. فرق بين نور سلام النبي على مخدة وبينك "اللهم إني أسلمت نفسي إليك ووجهت وجهي إليك وفوضت أمري إليك وألجأت ظهري إليك رغبة ورهبة إليك لا ملجأ ولا منجا منك إلا إليك أمنت بكتابك الذي أنزلت ونبيك الذي أرسلت" مسلم .. والثاني نار وألم عايز يهرب للنوم بسرعة .
وشوف غضب ربنا على هذا الإنسان المتناقض مع نفسه .. غضب يكفى ليكون هو سبب كامل لتعاستك ..(( " يَا أَيُّهَا الَّذِينَ آمَنُوا لِمَ تَقُولُونَ مَا لاَ تَفْعَلُونَ * كَبُرَ مَقْتًا عِنْدَ اللَّهِ أَنْ تَقُولُوا مَا لاَ تَفْعَلُونَ )) سورة الصف 2-3
عن ثوبان رضي الله عنه عن النبي صلى الله علية وسلم قال ( لأعلمن أقواما من أمتي يأتون يوم القيامة بحسنات أمثال جبال تهامة بيضا فيجعلها الله عز وجل هباء منثورا قال ثوبان يا رسول الله صفهم لنا جلهم لنا أن لا نكون منهم ونحن لا نعلم قال أما إنهم إخوانكم ومن جلدتكم ويأخذون من الليل كما تأخذون ولكنهم أقوام إذا خلوا بمحارم الله انتهكوها )) رواة ابن ماجه
كيف أسترد سلامى النفسي .. اجلس مع نفسك جلسة واكتب فين مناطق التعارض .. أختار موضوع واحد فقط .. مش الاسهل لا الاصعب ..أكتر حاجة منغصة عليك حياتك ... سد الفجوة فى موضوع واحد فقط لتكون منطقى ومتدرج .
واسترد سلامك من الشيطان .. فكرة الاحتلال ..حرب من اجل السلام
ايه هو الموضوع .. علاقة حرام – خيانة – كذابة كبيرة .
قصة حسام تاجر المخدرات .
قاتل الـ 99نفس وتعبان فكن حله اترك ارض الفساد واذهب الى ارض كذا فإن فيها أصحاب صالحين يعنى سلامك واصلاحك فى ترك أصحاب السوء فهذا نموذج لواحد مفسد قتل 100يعنى ضعيف جداً فى سلامة النفسى ويريد ان يتقل للجيد أو الممتاز وواضح انه تعب من شدة تناقضة ويبحث عن حل وكان حلة سيب ارض السوء لأنك حتى لو تبت ستبقى طالع نازل لازم تترك بحل حاسم سيبه فوراً
القصه دى نموذج لواحد يتحرك بين مراحل السلام النفسى كلها لغاية ماوصل فعلاً ومات فى قمة السلام النفسى بعد ما نجح فى الأنتقال .
كبيرة من الكبائر .. توبة .. جاء رجل إلى رسول الله صلى الله عليه وسلم وقال: يا رسول الله أرأيت إن فعلت ذنب أيكتب عليّ؟ قال : يُكتب قال: أرأيت إن تُبت؟ قال : يُمـحــــى
قال : يُكتب قال: أرأيت إن تُبت؟ قال : يُمحــــى أرأيت إن عُدت؟
قال : يُكتب قال: أرأيت إن تُبت؟ قال : يُمحى فقال الاعرابى : حتى متى يمحى؟ فقال صلى الله علية وسلم : إن الله لايمل من المغفرة حتى تملوا من الاستغفار )) اخرجة البيهقى أرأيت إن.
اقبل على رسول الله :صلى الله عليه وسلم:وهو جالس بين اصحابه يوما سيخاً يجر خطاه وقد سقط حاجباه على عينيه وهو يدعم على عصا جاء يمشى حتى قام بين يدي النبي :صلى الله عليه وسلم:فقال بصوت تصارعه الآلام يارسول الله ارايت رجلا عمل الذنوب كلها فلم يترك منها شيئا وهو في ذلك لم يترك حاجه ولا داجه اى صغيرة ولا كبيرة إلا أتاها لو قسمت خطيئته بين أهل الأرض لاوبقتهم فهل لذلك توبة؟؟؟
فرفع النبي:صلى الله عليه وسلم:بصره إليه فإذا بالشيخ
فقال له:صلى الله عليه وسلم:فهل أسلمت؟؟؟
قال :اما انا اشهد ان لا اله الا الله وان سيدنا محمد عبد الله ورسوله
فقال:صلى الله عليه وسلم:تفعل الخيرات وتترك السيئات فيجعلهن الله لك خيرات كلهن
فقال الشيخ:وغدراتى وفجراتى فقال :نعم
فصاح الشيخ:::الله أكبر::الله أكبر::الله أكبر: فما زال يكبر حتى توارى عنهم )) رواه الطبرانى والبراز

ذهب وفد لزيارة النبي ومبايعته على الإسلام، وبه شاب في حوالي الـ 18 من عمره، فبينما هم على قرب شديد من المدينة وقبل أن يروا النبي، رأى الشاب جارية، فجذبها من ثيابها جذيبة، فعُرف الأمر، فجاء الوفد في صلاة الفجر يبايع النبي، فيبايعهم وينظر إليهم ويبتسم ويربت على أكتافهم من فرحته بهم، حتى جاء الشاب فنظر إليه النبي وقال: "ألست أنت صاحب الجذيبة بالأمس؟" فقال: "نعم" قال النبي: "لا أبايعك" ففزع الولد وقال له: "بايعني ووالله لا أفعلها بعد ذلك أبدًا" فنظر النبي إليه وقال "على ألا تفعلها بعد ذلك أبدا؟" قال: "لا أفعلها" قال: "إذًا أبايعك"... انظر كيف ساعده النبي صلى الله علية وسلم على أن يعود إلى سلامه النفسي
بنت تغش - ثلاثة عشر عاما- درست اللغة الإنجليزية في مصر، وسافرت مع أبيها حيث جاءته بعثة إلى إنجلترا، وانتقلت إلى مدرسة بريطانية حيث الفرق في نطق اللغة والثقافة المختلفة فارتبكت البنت واهتزت، وأصعب مادة عندها كانت الرياضيات، وهي تريد أن تُظهر نفسها أمام البنات في فصلها فبدأت بالغش أثناء الامتحانات، وكان من نتيجة ذلك أن حصلت على الدرجات النهائية في الامتحانات، وبدأ المدرس يعاملها معاملة خاصة، وكثر غشها في الامتحانات فبدأت تنهار وبدأت سلوكياتها تتغير، فأحس الأب بهذا التغير في ابنته وعرض عليها لقاءً خاصًّا... ركز فيه على الحب والود وعلى طمأنتها، فإذا بها تصرخ بأنها تغش في الرياضيات، وألقت بنفسها عليه وبدأت في البكاء، لم ينهرها ولم يعاقبها بل أتي بأمها وطمأناها بأنهما سوف يحلان الموضوع مع المدرسة. هل رأيتم الأب العاقل؟ هي البنت نفسها التي تقول لو لم ينجدني أبي وقتها لكنت إلى الآن غشاشة ... شوف كانت تعبانة وتعبت ازاى لحد ما وصلت للسلام النفسي .
زوجه وعلاقة خطأ ..أفعل ما تشاء سأتوقف مهما حدث .
هي كانت امرأة جميلة متزوجة من رجل تحبه حباً كبيراً عندها طفلين رائعين 8, 10سنين حياتها رائعه قيها ايمان وعبادة وتربية للاولاد على الدين والاخلاق ... لكن فجاة ظهر شبح من الماضى ماقبل التوبة والهداية ... رجل شيطان
كانت بينها وبينه علاقة قبل الزواج فيها صور وخطايات ...وكانت نسيت وتابت وبدأت مع زوجها حياة كلها نقاء واخلاص --- هددها اما العوده الى كعشيقة فانا احبك واحتاج لقربك ... او افضح امرك امام اهلك وجوزك وبدأ يرسل لها بعض الصور القديمة السيئة --- اعطاها موعد كادت تذهب ... بدأ يطاردها فى التليفون يرسل لها رسائل جزء من كلامها له فى الماضى .
كاد القلق يقتلها وهى تتخيل لحظة الفضيحة واولادها وجوزها واهلها – كادت تستسلم له لكن فجأة.. تذكرت الله تقول ... قلت لنفسى ... انا الان طائعة لله على خير و هداية ... اين حسن ظنى بالله انه لن يضيعنى ... لن اذهب اليه ابداً .. ومن حسن ظنى بالله سأوجة مشكلتى وانا متاكده ان الله لن يضيعنى .
راحت لزوجها وحكت له كل شئ ... فى البداية غضب وتأثر بشدة – تقول لكنى كنت اكلم الله كل ليلة وانا ابكى واقول له ... وانا متاكدة انك لن تتركنى و احسنت الظن بك فلا تضيعنى انت تعلم انى مخلصة لزوجى .. ظنى بك انك ستحفظ بيتى ... تقول مر اسبوع وزوجى متغير ساكت صامت .
لكنه فجأة قال لى :- اجلسى ... انا واثق فيكى وفى اخلاصك وان كان الله يسامح عباده على الماضى فلم لا اسامح انا ... واتصل الرجل بزوجى فعلاً فقال له ... انا اعرف كل حاجه ولو اتصلت تانى سابلغ البوليس .. فانخرس واختفى ... تقول لولا حسن الظن بالله لوقعت فى معصية شديدة وضاعت حياتى .

أو رمضان سلام كامل .. لانزاع ابداً .. كل رمضان سأعيشه هكذا هذا العام .
الصيام 3 انواع .. صيام البطن والجوع ، صيام الاعضاء عن كل خطأ " سلام " ، صيام القلب عن كل شئ الا الله .
اصلا فى رمضان الشياطين مصفدة ..
((كَالَّذِي اسْتَهْوَتْهُ الشَّيَاطِينُ فِي الأَرْضِ حَيْرَانَ لَهُ أَصْحَابٌ يَدْعُونَهُ إِلَى الْهُدَى ائْتِنَا } (الآية 71( .. أطرد احتلال الشيطان وحرر الارض .. مطابقة افعالة لما يؤمن به .. هات هذة المنزلة اليوم .. اكسب المعركة واسترد ارضك .. قلبك .. انتصر واحصل على الذهب داخل نفسك
الشيطان معك بعد رمضان احذر .
متي يحصل السلام النفسي اللي يجيب السعادة ؟؟ لما يحصل انسجام بين قناعتك (ما تؤمن به) وبين أفعالك أنت مؤمن أن الامانة من أعظم الأخلاق وأنت بالفعل أمين .. أنت في سلام نفسي .. أنت تجتنب الكبائر وتتركها لأنك مؤمن أنها تغضب الله .. أنت في سلام نفسي.
وأن تقول وتعمل ماتؤمن به وماهو مستقر فى ضميرك انه الحق والصح اللى يرضى ربك ويرضى ضميرك يعنى يطابق قولك وفعلك مع ضميرك وايمانك .
بين ضميرك وعقلك ... بين قولك وفعلك " كبر مقتاً عند الله أن تقولوا مالاتفعلون "
بين عبادتك ومعاملاتك .... بين ظاهرك وباطنك ... لو الفرق كبر تصبح حفرة عميقة تهوى فيها نفسك ... عارف شعور من يسقط من اعلى فى حفرة عميقة .
متى يحدث هذا الصراع ..
لما تكون قناعاتك وأفكارك وما تؤمن به متناقض مع تصرفاتك وسلوكك وأفعالك ..
أنت مؤمن أن الكذب حرام وأن الخيانة حرام والغش حرام .. لكنك تكذب وتخون وتغش .. أنت في حالة صراع داخلي .. بلا سلام
التوبة عودة للسلام .. لإنهاء حالة الحرب الداخلية .. ورفع الأعلام البيضاء .. توقفت الحرب .. يوم توبتك .. يوم سلامك .. يوم سعادتك
اثر رائع للسلام النفسي .
- يفيض منك على كل من حولك .. اهلك .. الناس .. بيتك .. جيرانك
- مثل اناء امتلأ ففاض .
- (( المسلم من سلم المسلمون من لسانة ويده )) اعادة تعريف المسلم .. معنى انك مسلم انك تعيش حالة سلام داخلى امتدت لمن حولك وتتسع الدائرة حتى تشمل العالم كله وعلى قدر سلامك العالمى؟.
- أذا لم يفيض سلامك على الناس خاصة أهلك .. لست فى سلام نفسى .. توب
- يظهر فى وجهك هادئ مستقر منور .. وجه النبى .. هذا رسول الله

- شفافية فى نفسك .. ابو يوسف علية السلام ((ولما فصلت العير قال أبوهم إني لأجد ريح يوسف لولا أن تفندون ))يوسف 94 رؤيا تحصل .. عمر (( ياسارية الجبل الجبل ))

[samira malki]

الحقيقة الحلقة الاخيرة من برنامج رحلة السعادة كانت مؤثرة بالنسبة لي لانه تعودنا على هذه الجرعة من التفاؤل والسلام الداخلي اللهم جازيه عنا الفردوس الاعلى يا رب

[رغدة]

اللهم امين

اود اشكر نائب المدير العام ( ابو مازن )
على اضافة تفريغ الحلقات
جزاك الله الف خير (*&)

[رغدة]

الحلقه السابعه والعشرون

ميديا فير

http://www.mediafire.com/?xs2weimzlmnc7ow

ميجا ابلود

http://www.megaupload.com/?d=FI8Z7O98

رابيد شير

http://rapidshare.com/files/417410115/R ... .Ep27.rmvb

ارشيف

http://www.archive.org/download/re7lt27 ... .Ep27.rmvb

حلقة الختام



بسم الله الرحمن الرحيم، الحمد لله رب العالمين والصلاة والسلام على رسول الله (صلى الله عليه وسلم)، الحلقة الأخيرة، وصلنا لآخر الرحلة، وكل رحلة في الآخر لها بداية ولها نهاية، ويمكن بداية الرحلة كنا بنصور من نفس المكان، وكنا قاصدين إن نهاية الرحلة نصورها من نفس المكان، والدنيا كده والحياة كده. "رحلة للسعادة" يا رب نكون أسعدناكم أصلاً بالبرنامج. كان عندي نوايا كتيرة في البرنامج ده. كان عندي نية كنت كل حلقة وأنا داخل أصورها كنت بأنوي النية دي؛ إن أنا أسعدكم، وربنا شاهد أن دي...إن أنا عارف إن في قلوب مجروحة كتير وفي ناس مهمومة كتير وفي شباب وفي بنات محتاجين حد يكلمهم وحد يشجعهم، حد يرفع روحهم المعنوية، حد يديهم أمل. أنا كنت دايمًا بأفكر فيهم وكنت دايمًا بأبقى شايفهم قبل كل حلقة وكنت بتخيلهم وكان ده بيديني طاقة، لأن أحيانًا كنا بنصور خارجي فبنصور في شمس وحر وتعب، لكن شعور إن نية إسعادهم كان قبل ما أستاذ علي الغول مخرج البرنامج يقول يعني "إبدأ" بأحاول أركز قوي وأتخيل البنات والشباب دول. أنا حاسس بيهم وكان جزء من هذا الإحساس إن أنا أشجعهم، أقول لهم كلمة تطمئنهم، أدخل الابتسامة على وجوههم، أقول لهم فكرة يعيشوا بها، يسعدوا بها، دي كانت نية.
كانت نية كمان حديث النبي (صلى الله عليه وسلم): "من أدخل السرور على أهل بيتٍ من المسلمين ليس له جزاء إلا الجنة"، كانت نية "أحب العبادات إلي الله ادخال السرور على الناس"، يعني كنا بنعبد ربنا بالنوايا دي، وكنت بأدخل بالنوايا دي. والحقيقة كان في نية تانية، كنت كل حلقة أقول يا رب حد يعيش بها ويبعت لنا بعد كده على عمروخالد.نت ولا على صفحتنا على الفيسبوك أو مايبعتش خالص نعرف إن إنسان أتنقل لحياة أجمل وأهنأ وأسعد بـ"رحلة للسعادة". أنا الحقيقة في حلقة الختام عندي نقط عايز أغطيها. فالنقطة الأولى كانت النية، ويا رب يتقبل منا النية دي، وأي واحد إحنا ساعدناه في البرنامج ده يدعيلنا كلنا للفريق كله اللي أشتغل البرنامج ده، ويدعيلي إن ربنا يفتح علينا ويكرمنا.

النقطة التانية الحقيقة: "من لا يشكر الناس لا يشكر الله"، ففي ناس لازم تتشكر، وأنا بقى محضر، لكن ناس كتيرة الحقيقة؛ الفريق اللي عمل البرنامج ده. عايز أشكر "بسام ياسين" المنتج المنفذ لهذا البرنامج. عايز أشكر "إيبونيت ebonite" اللي أنتجت هذا البرنامج شكر جزيل. عايز أشكر الأستاذ علي الغول مخرج البرنامج بطريقته السلسة ويمكن أنتم شوفتوا البرنامج وعشتوا معانا. عايز أشكر واحد غالي علي قوي كان بيشتغل بهمة وروح غير عادية مدير التصوير الأستاذ "غازي واكيم" واللي بذل مجهود بروح وبقلب. عايز أشكر أخويا وأنا بأقول "أخويا" لأننا بنشتغل مع بعض من أيام "صناع الحياة" مدير الإنتاج "حمزة نعيم". عايز أشكر "شيرين فارس" مساعدة المخرج الدينامو اللي كان موجود معانا في البرنامج. عايز أشكر "محمد كرزي" اللي بيتحرك لتسهيل كل حركة وإجراءات البرنامج. يمكن أنتم حسيتو بالـ... أحنا أول مرة نصور خارجي ونعمل برنامج رمضان خارجي، كنا بنعمل أجزاء من برامج رمضان اللي فاتت لها علاقة ببعض الأماكن زي قصة سيدنا موسى أو زي "على خطى الحبيب"، لكن أول مرة نعمل برنامج من الألف إلى الياء برنامج إيماني روحي خارجي. وعايز أشكر فريق التصوير "إيلي" و"جوزيف" و"ربيع" تعبوا كتير واتحركوا بالكاميرات بشكل كان فيه أحيانًا مجازفة لأن إحنا كنا بنصور في أماكن أحيانًا خطيرة، فأنا بأشكرهم جدًا جدًا جدًا. عايز أشكر "أميرة حجازي" والشغل الكبير اللي أتبذل على عمروخالد.نت هي وكل الفريق اللي أشتغلوا على عمروخالد دوت نت. عايز أشكر شاب موهوب "أحمد قدري" ويمكن لو دخلتوا على عمروخالد دوت نت وشوفتوا كمية الصور الفنية العالية واللي موجودة على الفيس بوك على صفحتي وعلى عمرو خالد دوت نت بأشكره شكر جزيل. عايز أشكر الفريق اللي أشتغل معايا وكان بيتحرك معايا بشكل يومي "يوسف بساط" و"يحيى" و"هلا" اللي بذلت مجهود غير عادي و"كنده" اللي عملت مجهود كبير. عايز أشكر "يحيى" وعايز أشكر "ميرا" و"سارة". عايز أشكر "زياد". عايز أشكر "عبد العزيز نعمان". الحقيقة... وعايز أشكر أهلي صحاب الفضل اللي ساندوني مراتي وأولادي وأبويا وأمي. معلش أنا طولت، بس كان لازم أشكر الناس دي كلها، والحقيقة في ناس تانية أنا ما قلتش أساميهم صحاب فضل وساعدوني وبذلوا مجهود معايا كبير فيسامحوني لكن هما غاليين وصحاب فضل كلهم؛ دي كانت النقطة التانية.

النقطة التالتة اللي أنا عايز أقولها في البرنامج؛ ملخص البرنامج، عايز أقول بسرعة البرنامج كان عايز يقول في الآخر: يا جماعة السعادة مش كلمة واحدة، والسعادة لو دورتلها على مسمى مش حتلاقيلها مسمى. السعادة سبع مجموعات. السعادة عبارة عن منظومة، خلطة، توليفة، عدة أبواب لازم تطرقها كلها. ما ينفعش تسيب حتة وتأخذ حتة. هي أجزاء متكاملة؛ سبع أجزاء، السبع أجزاء دي أنا عرضتهم طوال البرنامج، والسبع أجزاء دول موجودين على الموقع على عمرو خالد.نت ونزلوا في كتاب وموجودين في كتيب صغير ومفتوحين على النت، بيهم تستطيع لو كملتهم أنك تعيش سعيد. خليني أراجعهم معاكم تاني.
أحنا أول مجموعة كانت بتقول: "ارسم خطك للجنة". كانت بتقول: ابدأ بداية صحيحة. اتكلَمِت عن الإخلاص وإن أنت تبدأ حياتك مخلص لله وتعيش مخلص لله وتنجح بإخلاصك وتحط كل نجاحاتك وأهدافك للإخلاص لله.
وكان في حلقة تانية بتقول "النفس المطمئنة" إنك تسعى أنك تكون صاحب نفس مطمئنة، مش مترددة ولا أمارة بالسوء وقلنا خطوات إزاي تحصل عليها، وكله على النت اللي عايز يرجع لأي حلقة يستطيع أنه يرجع على عمرو خالد.نت حيلاقيها موجودة بالكامل وموجودة في كتاب بالكامل.
الحلقة التالتة كانت: "كن طموحًا"، أحلم لبكرة. وبكده لو تاخدوا بالكم كنا متوازنين بين احتياجات الإيمان وبين احتياجات النجاح في الحياة. إحنا كنا حريصين في البرنامج ده يا جماعة أن إحنا نقول الإيمان مش مخدر وبرنامج "رحلة للسعادة" مش بيقول لك إنسى مشاكلك المادية وعيش مع الأحلام، لأ إزاي تخطط لنجاحك، إزاي تبدأ بداية صحيحة، إزاي تكون صاحب نفس قوية، فكان في مجموعة اسمها ابدأ بداية صحيحة كان فيها جزء ديني وكان فيها جزء في إصلاح الحياة؛ حط حلم وهدف للمستقبل ورمزنا لها باللون البرتقالي؛ لون إشراق الشمس. المجموعة التانية – أنا براجع معاكم بسرعة – المجموعة التانية كان مجموعة اسمها "اسعد الناس تسعد"، عطاء، كن مثمرًا، إدي الناس حواليك، اسعد الناس من حواليك. كان في حلقة اسمها "ابذل الحب" "اعطي الحب"، وكان فيها حلقة تانية اسمها "ارحم الضعفاء والمساكين"، وكان فيها حلقة تالتة اسمها "كن إنسانًا" ورمزنا لها باللون الأخضر؛ لون الزرع والنماء والعطاء. المجموعة التالتة – ده التالت وسكة تانية – كانت اسمها "نفس نقية من موانع السعادة"، فاكرين علامة ممنوع الدخول؟ وكان فيها بقى "لا للقلق" و"لا للغضب" و"لا للحقد والحسد" و"لا للكراهية" ورمزنا لها باللون الأحمر؛ لون الخطر.
إحنا كنا بنحاول نجتهد، نقدم لكم فكرة جديدة وطريقة جديدة، حتى لو ماعرفتش تبقى سعيد مع البرنامج على الأقل تبقى عارف إيه اللي ما بيسعدش وإيه اللي بيسعد. كنا بنحاول في كل حلقة نحط إيدك على حاجة نقول لك لو عملت دي تعيش سعيد، ولو عملت دي تبقى تعيس، طب جرب معانا. فاكرين كان دايمًا الشعار اللي ماشيين به "ممكن تجرب؟"، "جرب رحلتنا"، "اطلع معانا الرحلة"، "جرب الرحلة كلها، ماتقفش في وسط السكة"، فكرة "جرب معانا" لأن الشباب بيحبوا يجربوا.
كان في مجموعة رابعة رمزنا لها باللون الأزرق؛ لون السما الصافية، كان اسمها "فلب كبير"، يرضى ويعفو، يكون فيه سماحة ويسر.
كان في مجموعة خامسة رمزنا لها باللون الأصفر؛ لون الذهب، سمناها "إرادة قوية" حتبقى زي الذهب نفسك من جوه لو نفذت المجموعة دي وحطينا فيها "الإرادة" وحطينا فيها "الصبر" وحطينا فيها "كن مستقيمًا"، فاكرين الحلقة اللي كانت على الجرف تحتينا كان الهوة السحيقة والصراط في الدنيا والآخرة؟ أنا بأفكرك بس وعمال أقول لك مجموعات مجموعات.
المجموعة السادسة كان مجموعة اسمها "علاقات دافئة"؛ علاقات أسرية وصحبة صالحة ووفاء لأصحاب الفضل.
المجموعة الأخيرة كانت مجموعة اسمها "صلة عامرة بالله"، "صلة عامرة بالسماء"؛ وقلنا فيها الذكر والتفكر في خلق الله والدعاء والصلاة، وختمنا بالسلام النفسي إمبارح، وإنهارده الختام.
سبع مجموعات، يا ترى السبع مجموعات دول استفدت منهم؟ في استقصاء موجود على عمرو خالد.نت، اطبعه وخده وكَمِّل فيه وشوف أنت مكمل قد إيه؟ بس عشان أكون واقعي معاكم وصادق معاكم قليل قوي قوي قوي اللي حيعرف يكمل كان الحلقات دي في رمضان، مستحيل يا جماعة! تكمل الحلقات في رمضان؟! إزاي يعني؟ إزاي في 30 يوم؟ يعني قليل جدًا اللي قدر يكمل الحلقات في رمضان. هنيئًا له اللي عرف يعمل كده لأن حلقات رمضان كانت تمثل الجانب المعرفي، يعني أنا بأعرفك، بأحط إيدك، بأقولك دي بتسعد ودي بتسعد ودي بتسعد، لكن هل معنى كده إنك بقيت سعيد؟ لأ، أمال إيه المطلوب؟ إنك تجربها، إنك تنفذها. كإني بأعرض عليك: ده شغلك السنة اللي جاية كله. اللي حصل في رمضان تعريفك بإيه اللي يسعد وإيه اللي ما يسعدش، بمنظومة السعادة، بالفكرة بتاعة السعادة على بعضها، الألوان على بعضها، المزيج ده، إزاي توصل لحالة السعادة، إزاي تعرف يعني إيه سعادة، إزاي تفهم السعادة، إزاي تجيبها، إزاي تحلل أنت سعيد ولا لأ لما تشوف المجموعات السبعة، لكن هل إن أنت عرفت أنك بقيت سعيد؟ لأ، أمال ده إيه؟ ده شغل تاني! يعني رمضان السنة دي عَرَّفَك. ويمكن في بعض الحلقات أنت قلت: آه تذوقتها، دي حلوة قوي، أيوه فعلاً الرضا سعادة! أيوة فعلاً أنا لما علاقتي بمراتي وأولادي اتحسنت بقيت سعيد! أيوة فعلاً لما بطلت الغضب بقيت سعيد! بعض الحلقات، لكن أنا متأكد إن مستحيل تكون كملت.
ولذلك أنا بأقترح عليك: لو عايز تعيش سعيد وتستفيد فعلاً من البرنامج ده، الإستفادة مكانتش في رمضان – طبعًا أنا ما قلتلكش الكلام ده في أول حلقة وإلا ما كنتش حتتفرج عليا فبأقول لك الحكاية دي في الآخر – الإستفادة تبدأ إنهارده. يعني إيه تبدأ إنهارده؟ ممكن تنفذ؟ ممكن تبدأ التنفيذ؟ إيه رأيك إنك تبدأ تاخد كل أسبوع أو كل إسبوعين حلقة؟ ممكن تحط خطة؟ يعني خلينا عمليين وخليني أكون صادق معاكم: أنا مش بأقول لكم خلاص كده بقينا سعداء! مفيش كده، إنما اللي أنا بأقولهلكم: ممكن تحط خطة تنفيذية إزاي تنفذ حلقات البرنامج على فترات؟ وإحنا حنعمل معاك حاجة جميلة قوي على عمرو خالد.نت إن إحنا حنحط خطة لكل حلقة. أنا مش اتفقت معاكم إن علماء النفس بيقولوا إن كل صفة عايز تعدلها محتاجة 21 يوم؟ طب إيه رأيكم لو قلنا كل إسبوعين ناخد حلقة من حلقات "السعادة" و يبقى ده برنامجنا في عمرو خالد.نت لمدة سنة؟ نحول الكلام اللي إحنا قلناه لبرنامج تنفيذي ونتابع عليه ونعمل "رحلة للسعادة" مش كمعلومات، كتنفيذ لمدة سنة ونشوف حنعيش سعداء إزاي؟ إيه رأيكم في الفكرة دي؟ مش فكرة حلوة؟ وبالتالي فإحنا من يوم العيد على عمرو خالد.نت، لأ من بكرة حتبدأ الخطة ونازلة مكتوبة بقى ومتحددة إزاي نبدأ نحولها لبرنامج تنفيذي علشان نحول الكلام اللي قلناه لخطة. وحتلاقوا بقى الحلقات كلها في شكل استقصاء وعليها لون لون وإزاي نمشي مع لون لون وإزاي نتابع لون لون، كأن ماسكين البرنامج، بس بقى خلاص عرفناه كله كمعرفة، يلا بقى ننفذ البرنامج ونحط خطة، وحيعينك على كده إن البرنامج حيبقى موجود ككتاب وككتيب صغير وحينزلDVDs والأهم من كل ده على موقع عمرو خالد.نت وعلى صفحتنا في الفيسبوك – Amr Khaled’s page – على الفيسبوك حتلاقوا الكلام ده كله بالكامل وبالتفصيل.
الحقيقة عايز أقول قبل ما نطلع الفاصل أوعى تقلق، أوعى تقلق لو لقيت البرنامج خلص وأنت بتقول: أنا ما قدرتش أنفذ حاجة من البرنامج ده! ده كده أنت الطبيعي، يعني ده المنطقي، اللي قدروا ينفذوا أكيد كان عندهم حاجات أصلاً موجودة وكملوا عليها وهما قلة ومبروك ليهم، حاجة جميلة، لكن الغالبية هي اللي حتبدأ معانا من بعد رمضان تكمل. أنا فاضل عندي أربع نقط مهمة وكده رقيقة من القلب للقلب عايز أقولها بعد الفاصل، تعالوا نطلع فاصل ونكمل مع بعض حلقة الختام؛ ختام "رحلة السعادة". أشوفكم بعد الفاصل.
بسم الله الرحمن الرحيم، الحمد لله رب العالمين، ختام "رحلة للسعادة". حتوحشونا طبعًا جدًا جدًا جدًا وربنا يبارك فيكم ويفتح عليكم. عندي نقطة تانية عايز أقولها في ختام البرنامج: عايز أقول إن فكرة السعادة هي عبارة عن...في أربع حاجات، في أربع أنواع لازم يكونوا موجودين: سعادة الروح والقلب وسعادة النفس بقوتها وعزيمتها والنوع التالت سعادة العقل أن هو ينظر للأشياء إزاي؟ زي حلقة "اختلف برحمة" إنك تنظر للإختلاف على إنه ميزة مش عيب فعقلك لما نظر للأشياء كده استريح فبقت... فمعادتش نقطة ضيق وهم، بقت نقطة جميلة، إنك تبص...يعني السعادة فيها كذا جزء، أربع أنواع فيها جزء قلبي روحاني وفيها جزء نفسي وفيها جزء عقلي وفيها جزء مادي، عندي بطالة وعايز أتجوز وعايز شقة وعايز فلوس و...، فيها جزء مادي. طب إحنا غطينا إيه في البرنامج ده في السبع مجموعات اللي كنا بنتكلم فيها؟ غطينا أول 3 جوانب.
غطينا الجانب الروحاني طبعًا، غطيناه في أول حلقة "اخلص حياتك لله" وغطيناه في المجموعة السابعة، كلها "صلة عامرة بالسماء"، "صلة عامرة بالله"، الذكر والتفكر والدعاء والصلاة، غطينا الجانب الروحاني. غطينا الجانب النفسي، غطيناه كتير، قوة الإرادة، الصبر، غطيناه وإحنا بنتكلم عن العفو، غطيناه وإحنا بنتكلم عن نفسية سهلة "كن سهلاً"، غطينا الجانب النفسي؛ إزاي تسعد نفسيًا.
وبعدين جزء عقلي غطيناه وإحنا بنتكلم عن موانع السعادة؛ "إياك والقلق" ده قرار عقلي، "إياك والغضب" ده قرار عقلي، "اختلف برحمة" انظر للخلاف على إنه ميزة ده قرار عقلي، "لا للغضب"...يعني عايز أقول إن الحلقات غطت 3 جوانب، لكن ما غطتش الجانب الرابع.
إيه الجانب الرابع؟ المشاكل المادية. وأنا كنت صريح معاكم من حلقة المقدمة. قلتلكم يا جماعة أنا في حاجات نقدر نغطيها، حأدورلك...فاكر قلت إيه؟ كنت ماسك حتى المشعل وقلت لكم بأنور مشاعل وأضواء وأنوار تخليك سعيد، وقمت قايل: أنوار من رسول الله (صلى الله عليه وسلم) للجانب الروحي والقلبي والعقلي والنفسي، قلت كده بالنص، لكن قلت لكم - وخليني أكون صريح معاكم - هناك مشاكل مادية أنا مش حأقدر أحلها؛ المحاصرين في غزة أكيد مش سعداء، اللي عايشين في العشوائيات أكيد مش سعداء، الشاب اللي عنده بطالة وواقف في الطابور بعد ما اتخرج مش عارف يشتغل أكيد مش سعيد، البنت اللي اتأخر جوازها أكيد مش سعيدة، في حاجات مادية لا يمكن برنامج رمضاني ولا يمكن إنسان لوحده يستطيع إن هو يحلها ولا في 30 يوم! إنما اللي أنا أقدر أقولهولكم إيه؟ اللي أقدر أقولهولكم إن الـ3 اللي إحنا عملناهم يديكم قوة تكملوا بها الرابعة ودي أحد نوايانا في هذا البرنامج. أنا مش عارف أديك الرابعة، وأنتوا عمالين تفتحوا الفضائيات والتليفزيونات تسمعوا مشاكل مشاكل مشاكل وخناقات على التليفزيونات وإزاي إحنا عايشين في حياة وتعب والمشاكل وبتسمعها ودي حقائق، أنا مابأقولكش تعالوا نعيش في حياة وردية مثاليـ... بالعكس! ده أنا بأقول لك استفيد من اللي إحنا عملناه في رمضان وانطلق بقوة وعزيمة لمواجهة مشاكلك المادية. أوعوا تفتكروا يا جماعة إن البرنامج ده كان كلام مخدر! أنا ماأرضاش أكون كده! بالعكس! هذا البرنامج دافع للنهضة اللي هو الحلم اللي الواحد عايش عشانه! الأمة دي حرام إنها تفضل كده! لازم تنهض! مش مكانها المكان اللي هيه فيه! لازم ترتفع وتنهض! جزء من هذه النهضة بصينا له من زاوية "رحلة للسعادة". الشباب بقى محبط وتعبان ومش عارف ينطلق، تيجي نديله حاجة تعلي همته؟ تعلي طاقته؟ هو مش كلام كده لا قيمة له، "رحلة للسعادة"، طالعين رحلة نتفسح! لأ، أنا كنت جاي أمدك بقوة، بطاقة، بعزيمة، بروح، بأمل، بنفس قوية، بنفس مستعدة تكافح بعد ما استمدت قوة وسعادة وطمأنينة. يلا بقى أنزل للحياة! أوعى ينتهي رمضان وتقول إيه: والله "رحلة للسعادة" كان جميل قوي، نرجع زي ما كنا بقى محبطين. ده أنا عملت البرنامج ده عشان تاخذ قوة وعزيمة وطاقة وأمل ونفس مشرقة وابتسام! بالله عليك، ما تفهمش البرنامج غلط ولا تفرغه من محتواه بأنك تقول: آه كان كلام حلو وخلاص! ده مش النية وده مش اللي أنا قلته وما تقولش كلامي غلط وما تغيروش، حرام عليك لو عملت كده، إنما خذ كل القوة بتاعت البرنامج وأدخل على النت تاني واشتغل بقى معانا لرمضان الجاي على عمرو خالد.نت، كل أسبوعين ناخد واحدة من الحلقات وننمي ونكبر ونتحاسب عليها ونعمل جدول محاسبة ويحكوا لنا الشباب بقى، نعيش بقى مع بعض، عندنا سنة كاملة، ناخد واحدة واحدة، علشان إيه؟ عشان نعمل نهضة، علشان إيه؟ عشان إنت تنجح في حياتك العملية. قوة وعزيمة بقى وانطلق! دي نقطة مهمة قوي قوي قوي قوي لازم كنت أقولها لك.
عندي نقطة تانية مهمة قوي عايز أقولها لك: رمضان خلص، أنت أخدت قوة وطاقة سواء من البرنامج ده أو طبعًا من عبادتك ومن صيامك، خلي بالك الشيطان كان مسلسل، الشيطان حيتفك أسره أول يوم العيد، مش كده؟ حيطلع عايز يفترسك لأن كل اللي عمله معاك السنين اللي فاتت أنت مسحته بأستيكة بصيامك وبعبادتك في رمضان. يا ترى الشيطان حيشاورلك حتسقط؟ يا ترى كل اللي قلناه في البرنامج ده والإرادة والصبر والعزيمة والنفس المطمئنة واخلص حياتك لله، حيعمل لك كده الشيطان، تقع؟ أول يوم العيد؟ ولا حتمسك نفسك؟ ولا البرنامج فادك؟ ولا رمضان السنة دي فادك؟ خلي بالك في آية صعبة قوي، بتقول إيه؟ "وَلَقَدْ صَدَّقَ عَلَيْهِمْ إِبْلِيسُ ظَنَّهُ فَاتَّبَعُوهُ..." (سبأ: 20) ظن إبليس فيهم طلع في محله، أول ما شاورلهم وقعوا جري! "وَلَقَدْ صَدَّقَ عَلَيْهِمْ إِبْلِيسُ ظَنَّهُ فَاتَّبَعُوهُ إِلاَّ فَرِيقاً مِنْ الْمُؤْمِنِينَ" (سبأ: 20) أنت حيصدق فيك ظن إبليس السنة دي؟ أوعى! حرام! مش معقولة! " وَلا تَكُونُوا كَالَّتِي نَقَضَتْ غَزْلَهَا..." (النحل: 92) واحدة قعدت تغزل بلوفر تغزل تغزل تغزل تغزل لغاية ما اكتمل عند آخر خيط قامت شدَاه، " وَلا تَكُونُوا كَالَّتِي نَقَضَتْ غَزْلَهَا مِنْ بَعْدِ قُوَّةٍ أَنكَاثاً..." (النحل: 92)، ها؟ كإني عايز أقول لك إيه؟ عايز أقول لك: رمضان إيدالك قوة متضيعهاش! خلي ظن إبليس ما يصدقش فيك السنة دي، يعني عايزني إيه؟ اثبت شوية، إجمد، بلاش المعاصي الكبيرة، حتغلط، بلاش تسيب الحاجات الكبيرة، ماتسيبش صلاة فجر، وماتسيبش الصلاة، وما تسيبش قراءة القرآن ولو جزء قصير، يعني حافظ ولو على حاجات في حد أدنى، بس من فضلك مش يصحى بكرة العيد تضيع في أول يوم العيد تَبَوَّظ كل حاجة! "وَلَقَدْ صَدَّقَ عَلَيْهِمْ إِبْلِيسُ ظَنَّهُ فَاتَّبَعُوهُ..." (سبأ: 20) خليك من بقية الآية "...إِلاَّ فَرِيقاً مِنْ الْمُؤْمِنِينَ..." (سبأ: 20)، امسك نفسك، امسك نفسك في العيد، بلاش الأخطاء الكبيرة، بلاش الكبائر، بلاش ترك صلاة، مش بعد ما كنت بتقرأ كذا قرآن وبتعمل وبتعمل، مش بأقول لك أعمل زي رمضان مش حتقدر طبعًا، ده رمضان، لكن على الأقل الحد الأدنى، بلاش السقوط من الهمة العالية، بلاش تنزل فجأة. دي...خلي بالك، عارف رمضان عامل زي إيه؟ زي موسم الشتا للكائنات. الغابة اللي أنا بأصور فيها دي...أنا بأصور في الأرز. المكان اللي أنا بأصور فيه ده في شمال لبنان، وقت الشتا كل الجبال اللي حواليه دي بتبقى تلج، ينزل...ييجي الشتا يمد الكائنات والمزروعات والكائنات الدقيقة باحتياجاتها للسنة اللي جاية، والكائنات شاطرة وذكية، كل كائن من الكائنات الصغيرة من أول النمل لكل شيء يحافظ على الخير اللي جاله للسنة اللي جاية علشان حييجي الصيف بقى و...ييجي رمضان يمد الأمة باحتياجاتها من الطاقة والقوة للسنة اللي جاية. خليك شاطر، خليك ذكي، حافظ على الخير للسنة اللي بعديها، حافظ على الخير علشان في هموم السنة الجاية، "رحلة للسعادة" علمتك إزاي تواجه السنة اللي جاية، حافظ على الخير والطاقة اللي جاتلك علشان عايز تنجح في مشروعك الخاص وتتوظف وتشتغل وتتجوزي وتعمل وتعمل وتعمل وتنجح في حياتك العملية، عشان عايز الأمة دي تنهض، ما تضيعش رمضان. دي خواطر أخيرة ودي معاني أخيرة.
فاضل آخر معنيين: المعنى الأول؛ هناك حفلة كبيرة حنعملها على عمرو خالد.نت في العيد، حنكرم فيها أكتر ناس عملوا تفاعلات على الموقع أثناء رمضان، حيكون هناك جوائز قيمة منها كروت التحضير اللي قعدنا نشتغل بيها اللي بخط اليد حنبعتها هدايا لأكتر ناس شاركت في البرنامج على النت بتفاعلات وبأفكار، حنعمل حفلة كبيرة أول يوم العيد بالليل الساعة 10 بالليل وتاني يوم العيد كذلك وحنذيع فيها حتت ماإتذاعتش في البرنامج ونعمل حفلة كبيرة ونتفق بقى على خطة "رحلة للسعادة" إزاي نمسك حلقة حلقة ونحط لها خطة، فعندنا شغل كتير على عمرو خالد.نت. الحلقات كلها موجودة، الكتاب كله موجود على عمرو خالد.نت تاخدوا اللي أنتم عاوزينه؛ دي كانت النقطة اللي قبل الأخيرة.
آخر نقطة: يا ترى...سؤال: يا ترى حيكون في برنامج في رمضان القادم؟ يا ترى حنعمل برنامج في رمضان القادم؟ ويا ترى حيكون برنامج رمضان القادم قصة نبي من الأنبياء؟ أو مجموعة أنبياء عشان نكمل "قصص القرآن"؟ ولا يا ترى حيكون رمضان القادم استكمال "باسمك نحيا" واسماء الله الحسنى ولا يا ترى حيكون ده آخر رمضان حنقدم فيه برامج؟ سؤال نتركه للزمن. هل سيقدر لنا الله إن إحنا نلتقي مرة أخرى؟ هل سيكتب لنا الله ذلك؟ ربنا يقدر الخير ويفعل الخير ونكون دايمًا بنقدم رسالة خير وحب وإيمان.

أستودعكم الله الذي لا تضيع ودائعه. ربنا يفتح عليكم ويرضيكم ويبارك لكم ويسعدكم. ده كان هدفنا في البرنامج: ينجحكم في حياتكم العملية، يا رب يا شباب ويا بنات، ابتسموا بقى كده وطاقة أمل واملأ حياتك بإشراق إنك حتنجح إن شاء الله وإن البرنامج ده مكانش بس كلام، لا ده حينجحك في السنة اللي جاية. تنجحوا إن شاء الله، ربنا يسعدكم ويبارك لكم. يجمعنا على خير في الدنيا وفي الجنة اللي هي قمة السعادة. والسلام عليكم ورحمة الله وبركاته.

[رغدة]

اشكرك ابو مازن .. جزاك الله خير

وربنا يبارك فى استاذ عمرو خالد على هذا البرنامج الرائع

وجزاه الله خير .. ومزيدا من التقدم والنجاح

[ســـــاندرا]

بارك الله فيك ابو مازن
وبالتوووفيق للاستاذ عمرو خالد