المقادير: نص كوب رز او كوب الا ربع كيلو واحد لبن + 2معلقة كبيرة قشطة اذا فيه 2 معلقة نشا نص فنجان ماية ورد سكر حسب الرغبة أنا بستعمل للكيلو 7 معالق سكر كبار مكسرات او قرفة للتزيين
التحضير: بغسل الرز كويس وانقعه فى ماية
لما ينفش شوية بحطله شوية ماية اد كوباية الا ربع كده واسيبه يغلى فيها عالنار
طبعا هيشربها وينفش
الطبخ: بكون غليت اللبن كيلو الا ربع منه مع القشطة وهو سخن اصبه على الرز وهو عالنار
واخليهم يغلو شوية مع بعض مع التقليب كل شوية
واضيف السكر
كيلو اللبن بكون شايلة منه كوباية باردة للنشا
بدوب معلقتين النشا فى كوب اللبن البارد
ولما يغلى اللبن مع الرز بضيف النشا باللبن البارد واستمر فى التقليب لحد ما يبتدى يتقل القوام
قبل ما اقفل النار بدقيتين كده بضيف ماية الورد
وساعات فانيليا لو مفيش ماية ورد
قوامه ممتاز وطعمه وهو دافى روعة بردو
بعدين احطه فى الاطباق للتقديم
وازينه بمكسرات او ارفة
والهنا والشفا