المقادير: فرختين صغيرين انا كانت فراخى يادوب نص كيلو
ملح وفلفل وبهارات دجاج لو تحبى
3بصلات مبشورين
3معالق سمنه
مكعب ماجى او شوربه
3كوبيات رز مغسول ومنقوع لمده ساعه
التحضير: نغسل الفراخ كويس طبعا ونخليها فله شمعه منوره
ناخد البصل المبشور وننزل بيه على السمنه نقلبه شويه لغايه اما يدبل ويصفر شويه
بعد كده نضيف فوقه الرز ونقلب كويس ونضيف التوابل والملح والفلفل
لوعندك شوربه اوكى ضيفى على الرز عشان نسويه لو مفيش نضيف مع الميه مكعب ماجى
انا بسوى الرز 90 فى الميه وبعدين احشى بيه
ممكن طبعا تضيفى مع البصل الكبد والقوانص بس انا ولادى مش بيحبوها ولا زوجى كمان ههههه
بعد كده تدعكى الفراخ من جوه بفلفل وملح وتحشى عادى وتقفليها سواء بخيط او بخله
الطبخ: تسويها على نار هاديه عشان مش تتفتح
بعد كده حمريها والف هنا
