المقادير: : ربع كيلو لحمه مفرومه -
بصله متوسطه -
معلقة اكل سمنه -
كوب ماء -
ملح -
فلفل اسود -
بهارات
ثانيا المقادير للعجينه :
2 كوب دقيق -
2 بيضه -
2 معلقة اكل سمنه -
ربع كوب ماء للعجن -
ملح -
فلفل اسود -
بهارات
التحضير: اولا طريقة عمل العصاج (اللى هو اللحمه المفرومه )
نجيب حله صغيره وبعدين نحط فيها معلقة سمنه بعد كده نقطع البصله قطع صغيره ونحطها على السمنه ونقلب لحد ما البصله تتدبل او يعنى تبقى صفره شويه بعد كده تحطى اللحمه المفرومه وتقلبى وبعدين تحطى معلقه صغيره ملح وزيها فلفل وزيها بهارات وقلبى كويس حطى كوب الماء و وطى النار وسيبيها شويه لما تشرب كل الميه لو لقيتيها لسه نيه زودى ميه بس ان شاء الله مش هتحتاجى ميه تانى بعد ما تستوى شيليها من على النار واركنيها على جنب
طريقة العجينه: تجيبى الطبق اللى هتعجنى فيه وتحطى الدقيق وعليه البيض وعليه السمنه وبعد كده تعجنى كل ده مع بعضه لحد ما يختلطوا كويس وتبتدى تضيفى الميه شويه شويه وتعجنى لحد ما تحصلى على عجينه لينه تتفرد بسهوله زى كده
الطبخ: بعدين تغطيها بكيس بلاستيك وتسيبيها ترتاح لمدة ربع ساعه وبعدين يا احلى فتوكه تقسمى العجينه نصين تاخدى نص وتسيبى النص التانى متغطى عشان مينشفش
وتقومى رشه رشة دقيق على الرخامه او المكان اللى هتفردى عليه العجينه وتقومى تبتدى تفردى العجينه براحه واحده واحده لحد ما تتفرد كده وتقطعيها شرايط زى الصوره
وبعد كده تجيبى العصاج وتبتدى حشو تاخدى شريط شريط وتحشيه كالاتى :
الحمد لله خلصنا الكميه بسلام يالا نحمر بقى وخلى بالك عشان مش بتعد كتير فى الزيت بتتحمر بسرعه يعنى
وده بقى الشكل النهائى وبالهنا والشفا وادعولى