رحلة حجاب دوت نت الى الفضاء .. سارع بالحجز

[رغدة]

اهلا بيكم
انا عارفه انه معظم اللى فى المنتدى يتمنو يطلعو رحلة للفضاء
رحله ترفيه كده علشان نقدر نكمل صيام "><()*
فاعملنا رحلة للفضاء
واللى عايز يشترك معانا ياريت يقول ويحجز
بس اقروا المعلومات دى الاول
عشان محدش يقول عايز ارجع .. مش راكبين ميكروباص >-<



1
النهار 90 دقيقة!!
عندما تكون في الفضاء تشرق الشمس وتغرب كل 90 دقيقة فقط، مما يجعل ضبط النوم شيئا صعبا جدا، ولذلك وضع المختصون جدول لليوم يقسمه 24 ساعة كما هو في الأرض ويبدأ اليوم كما في توقيت جرينتش، وحتى يستطيع الرواد التكيف مع الجدول في ظل اليوم الفعلي القصير جدا " 90 دقيقة" تقوم إدارة التحكم بإرسال تنبيهات للرواد عن الوقت ومهامهم فيه وتشغل موسيقى في أوقات معينة لتساعدهم على النوم وأخرى لتساعدهم على الإستيقاظ..

2
طولك سيزيد
لو سافرت إلى الفضاء سيزيد طولك من 5 : 8 سم، بسبب تمدد في العمود الفقري لإنعدام ضغط الجاذبية، وسيصاحب هذا الطول آلام في الظهر و مشاكل عصبية .

3
نومك اكثرا هدوءا
لو كنت ممن يعزفون مقطوعات موسيقية اثناء النوم، ونفسك تعمل عملية، اطمن في الفضاء لن تحتاج لها، فإنعدام الجاذبية يؤثر عليك ويجعل نومك بدون أصوات تماماً وفقا لتجارب وكالة ناسا.




4
التوابل سائلة
معظم أكلاتك ستكون سائلة، ولو أحببت أن تضيف عليها أي توابل، يجب أن تخلط التوابل بماء، لماذا؟؟ لأنه بسبب إنعدام الجاذبية ستتطاير التوابل وساعتها ستصبح خطرا على جهازك التنفسي وعلى عينك أيضا وأنفك.. خد بالك!!

5
دوار الفضاء
اطمن، بمجرد إبتعادك عن الأرض ستشعر بصداع وغثيان وستفقد الشعور بأقدامك ويديك وبالمكان والزمان وستتفاجئ بأنك مقلوب بدون سبب.. كل هذه الأعراض طبيعية فنحن نتحدث عن دوار الفضاء، وستنتهي هذه الأعراض بعد ايام.

6
ومضات الارض
سوف تجذبك الأرض لرؤيتها وهي تبدو كجسم أزرق مضيء، لو سمحت لا تطيل النظر، فالأرض ترسل ومضات مضيئة ضارة جدا على شبكية العين وذلك لخطأ المخ في تفسيرها، وقد أصيب 39 رائد فضاء بسببها بماء على العين.




7
الاشياء تسقط
أصعب ما ستمر به بعد عودنك إلى الأرض أنك ستترك الأشياء في الهواء فتجدها تسقط، ولذلك فستجلس في مركز لإعادة التكيف لمدة شهر في المتوسط حتى تعتاد على الحياة في الأرض مرة أخرى.

8
رحلات آمنة
لا تخاف من رحلات الفضاء فالحوادث فيها أقل كثيرا من التي تحدث على الأرض، يعني من بين 439 رائد فضاء سافرو حتى عام 2004 لقى 18 منهم فقط مصرعهم، ويعتبر طاقم المركبة هو الوحيد الذي قتل في الفضاء وكان ذلك عام 1971 بعد بقائهم في الفضاء لمدة 3 اسابيع وتدمير صمام المركبة مما أدى لمقتلهم..

يلا بقى
اللى عايز يحجز يقولى
بس اتشاهدو الأول .. بردو نبقى عملنا اللى علينا

التجمع قدام قصر الثقافة
يوم الجمعة الساعة 5 ونص صباحا علشان نلحق نروح ونيجى قبل الزحمه "_)(*##$

هتلاقو مركبة فضائية اف ان سبعة وتلاتين ملاكى الشرقية
قافله بيبانها ومحدش يستطيع فتحها .. يعنى ان شاء الله رحله موفقه >-<

[همس السما]

أنا معاكوا وراكوا فين ماتروحوا "_)(*##$
وهى دى رحلة تتفوت برضه
بس ليه قافلة أبواب المركبة الملاكى التحفة دى ,,, شكلى هروحها على حسابى
ماتفقناش على كدة
موضوع جميل جداااا يا رغدة ,,, استمتعت بقراءته (&_)

[noureen]

>-< >-<
حلوة اوى الرحلة دى انا موافقة عليها
هروبا من الحر ده
تسلمى رغودة على المعلومات دى <:>

[رغدة]

نورتو المركبه اللى مش هتعرفو تدخلوها >-<

بس المهم اتحجز مقعدين .. عقبال الباقى علشان نستشهد دفعه واحده
حد طايل تحصل وهو صايم .. اى خدمه >-<

[ابو مازن]

والنبى يارغده اعملى حسابى وامرى الى الله
بس تعرفينى الاول هندفع تذكره كامله ولا ربع تذكره وبكام
ويسلام لو كان حساب التذكره على الادمن يبقى كتر خير اهو احنا فى رمضان

[samira malki]

يا ترى لي مكان معاكم في المركبه العجيبه ده

[هبه]

رغده خدينى معاكى شكلها رحلة حلوة اوى وزاى ما ابو مازن الادمن عليه تكاليف التذاكر بمناسبه شهر رمضان

[رغدة]

والنبى يارغده اعملى حسابى وامرى الى الله
بس تعرفينى الاول هندفع تذكره كامله ولا ربع تذكره وبكام
ويسلام لو كان حساب التذكره على الادمن يبقى كتر خير اهو احنا فى رمضان

فكره هايله يابو مازن .. وطالما التذاكر ع الأدمن ولا تشيل هم .. طالعين طالعين باذن الله .. ورحله موفقه الى الحياة الاخرى .. بس حاول تتشاهد من دلوقتى ":":<

يا ترى لي مكان معاكم في المركبه العجيبه ده

اكيد ياسموره .. اللى مستغنى عن نفسه يتفضل معانا
وان شاء الله ننور الشارع كلنا بجانب المركبه ونبقى ناخد صوره تذكاريه لان ده اخرنا معاها >-<

رغده خدينى معاكى شكلها رحلة حلوة اوى وزاى ما ابو مازن الادمن عليه تكاليف التذاكر بمناسبه شهر رمضان

ماهو ابو بلاش كتر منه بقى >-<
بس اى خدمه ياهبه .. انتى تؤمرى بس حاولى تودعى اهلك قبل ماتيجى .. اتمنالكم رحله سعيده ")":

[هبه]

اهو منتظرينك تحددى ميعادها لحد الادمن مايجهز لينا التذاكر يالا شدحيلك ياادمن كل في انتظارك >-<

[رغدة]

اهو منتظرينك تحددى ميعادها لحد الادمن مايجهز لينا التذاكر يالا شدحيلك ياادمن كل في انتظارك

بقالنا سنتين مستنيين اهه ماشوفناش حاجه.. تقريبا الادمن هرب
رحله كبيره بردو وتتكلف .. احنا رايحين مصيف
ياخسارة الرحله اللى تعبت فى تجهيزها

[SAHIRA]

ياربي اجيت متاخرى بليز بنات في مكان ولا لا

[رغدة]

ياربي اجيت متاخرى بليز بنات في مكان ولا لا

ياحبيبتى ولو جيتى السنه اللى فاتت بردو هتلاقينا قاعدين >-<
ولا يهمك .. احنا اصلا من وقتها قاعدين تقريبا مستنيين زكاة الفطر
علشان ندفع منها اشتراكات >-< .. مبقاش فى امل فى المنتدى خالص

[naaaanaaaa]

رحله جميله اوى يا رغده وانا كمان هاجى معاكم
واحجزيلى كرسى جنب الشباك >-<

[رغدة]

رحله جميله اوى يا رغده وانا كمان هاجى معاكم
واحجزيلى كرسى جنب الشباك >-<

اى خدمه يانانا ..اكيد هيبقى جنب الشباك بس من بره >-<
انتى بس اؤمرى واحنا ننفذ >-< وهتنورى الفضاء (&_)