عمل ميداليه رائعه بطريقه سهله
المشرفون: نواب المدير العام،فريق الاشراف والاداره
-
- مراقب عام
- مشاركات: 4289
- اشترك في: 20 يونيو 2008, 17:25
- النوع: انثى
- الحاله الاجتماعيه: متزوجه
- الحاله الوظيفيه: بدون عمل
عمل ميداليه رائعه بطريقه سهله
هى عبارة عن ميدالية ممكن تتحط في قلم
أو حتى نحطها في الموبايل
نبدأ كالعادة بالخامات اللي هنستخدمها معانا
هنجيب سلسلة باللون الدهبي أو الفضي زي ماتحبوا
بس طبعا المهم لون السلسلة يكون نفس لون الأسلاك اللي هنستخدمها
وهنستخدم مجموعة من الخرز الشفاف زي الموجود في الصورة
بمختلف أحجامه
اتنين لونهم موف كبار
ومجموعة ألوان على زوقكوا حجمهم أصغر شوية
ومعاهم خرزتين زي اللي استخدمناهم في الحلق
واتنين غيرهم برضه بشكل هندسي كده زي مسدس هندسي زي مانتوا شايفين في الصورة
وغيرهم ست خرزات لونهم دهبي على شكل وردة زي ماحنا شايفين في الصورة برضه
وفاكرين الدبابيس الغير مدببة اللي قولنا عليها قبل كده؟؟
هنستخدمها بس حجم أكبر شوية
وهنسخدم كمان قطعة اكسسوار دهب جواها زي جلد اسود أو كاوتش
عشان نلفها على أي حاجة عايزينها سواء سلسلة صغيرة للموبايل أو على القلم
ودي ممكن نجيبها من عند اللي بيصلجوا الشنط الجلد أو من عند برضه بتوع الخردوات
ومع الخامات دي هنستخدم مجموعة أدوات تسهل علينا شوية في تشكيل المعادن
أولها طبعا الزرادية وغير كده كمان حاجة شبه البنسة برضه بس أساسها كاتر
يعني بتقطع المعادن وشكلها زي الصورة دي
لو الزرادية بتاعتك فيها مكان بيقطع المعادن وكويس يبقى ممكن نسنغنى عن الكاتر ده
وفيه شكل تاني من الزرادية مدور شوية زي ماحنا شايفين عشان نقدر نتحكم في شكل الحلقات
ودلوقتي نبدأ مع بعض
نبدأ الأول بالدبابيس بتاعتنا نحط فيها الخرز بالترتيب وفي الآخر نعمل شكله حلقة زي الصورة
بعد كده هنجيب السلك وندخله في ناحية من الاكسسوار بتاعنا
وبعدين نلفه على السلك الناحية الأولى بالشكل ده
الجهة التانية من السلك اللي مش مربوطة بالاكسسوار طبعا هنربطها بالسلسلة
اللي عملناها بالخرز في الأول
وده بعد مانعمله زي قطعة الاكسسوار نلفه الأول حولين نفسه ونطلع زي حلقة منه
واللي هيتم ربطها بالسلسلة
وفي النهاية بيكون شكلها كده بعد مانحطها على القلم بتاعنا
وزي ماقلتلكوا في الأول ممكن نحطها في الموبايل
مع زيادة السلاسل بتاعتنا بنفس الطريقة مثلا
صلى على حبيبك النبى To be happy
اللهم صلى وسلم وزد وبارك عليك يا حبيبى يا رسول الله
عايزين تمحو كل ذنوبكم ؟؟؟ ....
اضغطو هنا
اللهم صلى وسلم وزد وبارك عليك يا حبيبى يا رسول الله
عايزين تمحو كل ذنوبكم ؟؟؟ ....
اضغطو هنا
-
- مراقب عام
- مشاركات: 4282
- اشترك في: 13 مايو 2010, 09:31
- النوع: انثى
- الحاله الاجتماعيه: غير متزوج
- الحاله الوظيفيه: صاحب عمل
- انا حاليا: متفائل
- مكان: مصر
Re: عمل ميداليه رائعه بطريقه سهله
فعلا سهلة ونتيجتها جميلة (&_)
ويمكن كمان اضافة لعبة صغيرة فى النهاية هتبقى شيك اوى
وكمان ممكن نستغنى عن السلك لو صعب ونستخدم مسامير مخصصة هتكون أسهل وتتقفل بالزرادية على شكل حلقة
تسلم ايدك رغودة (*&) (*&)
ويمكن كمان اضافة لعبة صغيرة فى النهاية هتبقى شيك اوى
وكمان ممكن نستغنى عن السلك لو صعب ونستخدم مسامير مخصصة هتكون أسهل وتتقفل بالزرادية على شكل حلقة
تسلم ايدك رغودة (*&) (*&)